تلنگانہ کے ان 7 اضلاع میں آج شام بارش کا امکان

تلنگانہ میں گزشتہ دو سے تین دنوں سے موسم میں تبدیلی دیکھنے میں آ رہی ہے اور درجہ حرارت میں کمی ریکارڈ کی جا رہی ہے۔ بدھ کے روز ریاست کے کئی اضلاع میں شدید بارش ہوئی جبکہ بعض اضلاع میں گرمی کی شدت برقرار رہی۔

 

محکمہ موسمیات کے مطابق آج جمعرات کو بھی ریاست کے کئی اضلاع میں بارش کا امکان ہے۔ ویڈر مین بالاجی نے پیش قیاسی کی ہے کہ وقارآباد، سنگاریڈی، رنگاریڈی، نلگنڈہ اور یادادری بھونگیر اضلاع میں شام سے رات کے دوران بارش ہو سکتی ہے۔

 

انہوں نے کہا کہ اس کے علاوہ کھمم اور بھدرادری کتہ گوڑم اضلاع میں ہلکی بارش کے امکانات ہیں۔ جبکہ شمالی اور مشرقی تلنگانہ کے اضلاع میں درجہ حرارت 43 سے 45 ڈگری سینٹی گریڈ کے درمیان رہنے کا امکان ہے، جس سے شدید گرمی برقرار رہے گی۔

 

حیدرآباد میں درجہ حرارت 40 سے 42 ڈگری سینٹی گریڈ کے درمیان رہنے کی پیش قیاسی کی گئی ہے۔