نفرت انگیز تقریر کے الزام میں کاجل ہندوستانی گرفتار _ گجرات میں کاجل کی تقریر کے بعد ہوا تھا فساد

احمد آباد _ 9 اپریل ( اردولیکس ڈیسک) مسلمانوں کے خلاف نفرت پیدا کرنے والی  کاجل ہندوستانی کو  پولیس نے گجرات کے ضلع گر سومناتھ میں گرفتار کرلیا جس نے مبینہ طور پر رام نومی کے موقع پر "نفرت انگیز تقریر” کی تھی جس کی وجہ سے یکم اپریل کو اونا شہر میں فرقہ وارانہ تصادم ہوا تھا۔

میڈیا رپورٹس کے مطابق ایک پولیس افسر نے بتایا کہ کاجل ہندوستانی نے اتوار کی صبح اونا میں پولیس کے سامنے خودسپرد ہوگئی جس کے بعد اسے گرفتار کر کے عدالت میں پیش کیا گیا جہاں اسے عدالتی تحویل میں بھیج دیا گیا۔

کالج ہندوستانی، جو اپنے ٹویٹر بائیو پر اپنی شناخت ایک کاروباری، تحقیقی تجزیہ کار، سماجی کارکن، قوم پرست، اور ایک "فخر ہندوستانی” کے طور پر کرتی ہے اور اس کے 92,000 سے زیادہ فالورس ہیں وزیر اعظم نریندر مودی، وشو ہندو پریشد کی طرف سے منعقد ہونے والی تقریبات میں باقاعدگی سے شرکت کرتی ہے ۔ کاجل ہندوستانی کے خلاف ایک ایف آئی آر  انڈین پینل کوڈ کی دفعہ 295 اے (جان بوجھ کر اور بدنیتی پر مبنی عمل، جس کا مقصد کسی بھی طبقے کے مذہب یا مذہبی عقائد کی توہین کرکے مذہبی جذبات کو مجروح کرنا تھا) کے تحت 2 اپریل کو، اس کے دو دن بعد درج کیا گیا تھا۔ 30 مارچ کو رام نومی کے موقع پر وی ایچ پی کے زیر اہتمام ہندو برادری کے ایک اجتماع میں مبینہ طور پر اشتعال انگیز تقریر کی۔

کاجل ہندوستانی کی تقریر کے بعد دو دن تک اونا میں فرقہ وارانہ کشیدگی برقرار رہی جس کے نتیجے میں یکم اپریل کی رات کو دو برادریوں کے درمیان تصادم ہوا اور پتھراؤ ہوا ۔  پولیس نے ایک ہجوم کے خلاف ایف آئی آر درج کی تھی اور فسادات کے الزام میں 80 سے زیادہ لوگوں کو گرفتار کیا تھا، جن میں سے زیادہ تر اقلیتی برادری سے تھے۔