کشمیر: فوجی جوانوں پر مسجد میں داخل ہوکر زبردستی ’جے شری رام‘ کا نعرہ لگانے کیلئے مجبورکرنے کا الزام
نئی دہلی: فوجی جوانوں پر جموں و کشمیر کے پلوامہ ضلع کے زادورا گاؤں کی ایک مسجد میں گھس کر لوگوں کو ‘جے شری رام’ کا نعرہ لگانے پر مجبور کرنے کا الزام عائد کیا گیا ہے۔ معاملہ ہفتہ کی صبح کا بتایا جا رہا ہے۔ واقعہ کے منظر عام پر آنے کے بعد جموں و کشمیر کی سابق چیف منسٹرمحبوبہ مفتی نے معاملے کی تحقیقات کا مطالبہ کیا ہے۔
محبوبہ مفتی نے ٹویٹ کیا، "پلوامہ کی ایک مسجد میں 50 آر آر جوانوں کے داخل ہونے اور مسلمانوں کو ‘جئے شری رام’ کے نعرے لگانے پر مجبور کرنے کی خبر سن کر صدمہ ہوا۔ یہ اس وقت ہوا جب امیت شاہ یہاں ہیں اور یاترا شروع ہونے والی ہے اس لیے یہ محض اشتعال انگیزی ہے۔
جب انڈین ایکسپریس نے سری نگر میں دفاعی ترجمان سے سوال کیا تو انہوں نے کہا کہ انھوں نے کیس کی تفصیلات طلب کی ہیں۔
مقامی لوگوں سے موصول ہونے والی معلومات کے مطابق واقعہ کے بعد فوج کے اعلیٰ عہدیداروں اور پولیس کے اعلیٰ حکام نے گاؤں کا دورہ کیا اور یقین دلایا کہ وہ معاملے کی تحقیقات کریں گے۔
Shocked to hear about army troops from 50 RR storming into a mosque at Pulwama & forcing muslims inside to chant ‘Jai Shree Ram’. Such a move when @AmitShah is here & that too ahead of yatra is simply an act of provocation. Request @RgGhai to immediately set up a probe.
— Mehbooba Mufti (@MehboobaMufti) June 24, 2023
