کانگریس اقتدار میں آتی ہے تو میں خودکشی کرلوں گا ۔۔۔ عادل آباد کے رکن اسمبلی جوگورامنا کا ریونت ریڈی کو چیلنج

عادل آباد۔16/جون(اردو لیکس)سابق وزیر و رکن اسمبلی عادل آباد جوگورامنا نے تلنگانہ پردیش کانگریس کمیٹی کے صدر ریونت ریڈی کو چیلنج کیا ہے کہ اگر تلنگانہ میں کانگریس اقتدار میں آتی ہے تو وہ پھانسی لے کرخودکشی کرلیں گے۔ اس کے برعکس اگر بی آر ایس اقتدار میں آتی ہے تو کیا ریونت ریڈی خودکشی کرنے تیار رہیں گے؟

 

پریس کانفرنس سے خطاب کرتے ہوئے رکن اسمبلی جوگورامنا نے ریونت ریڈی پر شدید تنقید کرتے ہوئے کہا کہ جو ووٹ برائے نوٹ کیس میں پکڑے گئے تھے، کو ریاستی حکومت پر تنقید کرنے کا کوئی اخلاقی حق نہیں ہے۔وہ ایک بار پھر ان کے اہانت آمیز تبصروں کو برداشت نہیں کریں گے۔رکن اسمبلی عادل آباد جوگورامنا نے اپنے کیمپ آفس میں منعقدہ ایک پریس کانفرنس سے خطاب کرتے ہوئے ریونت ریڈی کے تبصروں کی سخت مذمت کی۔

 

ریونت ریڈی کی جانب سے رکن اسمبلی کے خاندان کے نام پر کیے گئے تبصروں پر جوگورامنا برہم تھے۔انہوں نے کہا کہ ایک کمزور طبقہ سے تعلق رکھتا ہوں اس کے لیے میرے نام کی توہین کی جا رہی ہے۔انہوں نے یاد دلایا کہ ماضی میں ریونت ریڈی نے چندرا بابو نائیڈو کے خادم کے طور پر کام کیا تھا،انہوں نے ریونت ریڈی کے ان الفاظ کا جواب دیا کہ کے سی آر کی حکومت،جو ترقی کے عروج پر ہے، اقتدار چھوڑ دے گی؟۔انہوں نے چیلنج کیا کہ اگر ریاست میں کانگریس کی حکومت آتی ہے تو وہ خودکشی کر لیں گے، اور اگر ایسا نہیں ہوا تو ریونت ریڈی خودکشی کر لیں

 

۔انہوں نے واضح کیا کہ سرکاری اور نجی شعبوں میں لاکھوں ملازمتیں فراہم کرنے کا اعزاز ریاستی حکومت کو جاتا ہے۔انہوں نے کہا کہ چیف منسٹر کے سی آر اور وزیر بلدیات کے ٹی آر کی قیادت میں ریاست ترقی کی راہ پر گامزن ہے۔انہوں نے کہا کہ یہ ستم ظریفی ہے کہ کانگریس کی حکومت آنے پر کرناٹک کے لیڈران جشن منا رہے ہیں۔انہوں نے کہا کہ یہ مضحکہ خیز ہے کہ ٹی پی سی سی کے صدر کے درجے کا شخص نہیں جانتا کہ ہاؤسنگ منسٹر کون ہے۔انہوں نے واضح کیا کہ ان کے دور حکومت میں حلقہ کے دور دراز دیہات بھی ترقی کی راہ پر گامزن ہیں۔انہوں نے اپنے خاندان کے نام کو توڑ مروڑ کر کیے گئے تبصروں کے لیے عوامی معافی مانگنے کا ریونت ریڈی سے مطالبہ کیا

 

۔اس موقع پر ڈی سی سی بی چیرمین اڈی بھوجا ریڈی،میونسپل وائس چیئرمین ظہیر رمضانی،ڈسٹرکٹ رعیتو بندھو کوآرڈینیٹنگ صدر روکنڈلا رمیش، نائب ایم پی پی،جنگو پٹیل،ٹاؤن صدر اجے، سابق مارکیٹ چیرمین میٹھو پرہلاد کے علاوہ دیگر موجود تھے۔