چندی گڑھ میں آل انڈیا میناریٹی کنکلیو کا انعقاد _ مسلم قائدین نے کی وزیراعظم نریندر مودی کی تعریف

نئی دہلی _ 23 فروری ( اردولیکس ڈیسک) مختلف مسلم ،سکھ اور عیسائی تنظیموں کے قائدین نے تین طلاق کے خاتمہ سمیت اقلیتوں کی فلاح و بہبود کے لیے کئی اقدامات کرنے پر وزیر اعظم نریندر مودی اور ان کی حکومت کی تعریف کی۔

 

این آئی ڈی فاؤنڈیشن کے زیر اہتمام "آل انڈیا میناریٹی کنکلیو – امرت کال میں اقلیتوں کا کردار” تقریب چندی گڑھ میں منعقد ہوئی۔ جس  میں گورنر  کیرالا عارف محمد خان  نے بھی خطاب کیا۔ احمدیہ مسلم کمیونٹی کے ڈائریکٹر خارجہ امور احسن غوری نے اپنے خطاب میں کہا کہ وزیراعظم نریندر  مودی نے ملک اور خاص طور پر اقلیتوں کے لیے بہت سے اقدامات کیے ہیں۔ اس کی تعریف کی جانی چاہیے۔ اچھی چیزوں کی تعریف کی جانی چاہیے اور ہم ان کی تعریف کرتے ہیں۔

احمدیہ مسلم یوتھ ایسوسی ایشن انڈیا کے صدر طارق احمد نے کہا کہ تین طلاق کا خاتمہ خواتین کو بااختیار بنانے کی طرف ایک قدم ہے۔اسلام بھی طلاق ثلاثہ کو قبول نہیں کرتا۔ اس لیے  مودی  حکومت کا یہ قدم ایک اچھا قدم ہے۔ خواتین کو بااختیار بنانے کی طرف یہ ایک اچھا قدم ہے۔  ان خواتین کو درجہ دینے کے لیے لیا گیا جو پہلے محروم تھیں۔ ہم اس اقدام کا احترام کرتے ہیں

 

ڈاکٹر فیاض احمد فیضی، جو ایک مصنف، کالم نگار، میڈیا پینلسٹ اور پسماندہ سماجی کارکن ہیں، نے کہا کہ نریندر مودی ہندوستان کے پہلے سیکولر وزیر اعظم ہیں۔

منصور خان، قومی صدر، صوفی اسلامی بورڈ نے کہا کہ دنیا وزیراعظم مودی کو ایک عظیم لیڈر کے طور پر پہچانتی ہے۔ وہ آج ایک عالمی لیڈر ہیں۔ یہ ہماری خوش قسمتی ہے کہ ہمیں ایسا عظیم لیڈر ملا ہے جس نے ہمارے ملک کو عالمی لیڈر بنایا ہے۔

 

مولانا کوکب مجتبیٰ، قومی صدر، علماء فاؤنڈیشن کے چیئرمین جامعہ عالیہ جعفریہ نے کہا کہ پی ایم مودی نے ایسے فیصلے لیے ہیں جو 1947 سے نہیں لیے گئے تھے۔