پارلیمنٹ کی نئی عمارت کی افتتاحی تقریب میں شرکت کے لئے بیرسٹر اویسی نے رکھی یہ شرط
حیدرآباد _ 24 مئی ( اردولیکس)صدر کل ہند مجلس اتحاد المسلمین کے و رکن پارلیمنٹ حیدرآباد بیرسٹر اسد الدین اویسی نے پارلیمنٹ کی نئی عمارت کے افتتاحی تقریب میں شرکت کے لئے مودی حکومت کے سامنے ایک شرط رکھی ہے جس کے مطابق اگر لوک سبھا اسپیکر اوم برلا کے ہاتھوں عمارت کا افتتاح عمل میں لایا جاتا ہے تو ایسی صورت میں مجلس پارٹی اس تقریب میں شرکت کرے گی ۔
میڈیا کے نمائندوں سے بات کرتے ہوئے بیرسٹر اویسی نے کہا کہ وزیر اعظم نریندر مودی کو اس کا افتتاح نہیں کرنا چاہئے۔ اگر لوک سبھا اسپیکر اوم برلا پارلیمنٹ کی نئی عمارت کا افتتاح نہیں کریں گے، تو ہم (اے آئی ایم آئی ایم) تقریب میں شرکت نہیں کریں گے: اے آئی ایم آئی ایم سربراہ نے وزیراعظم مودی سے مطالبہ کیا کہ وہ پیچھے رھ کر اسپیکر کو افتتاح کرنے کا موقع دیں۔ انہوں نے کہا کہ لوک سبھا اسپیکر اوم برلا کے ہاتھوں عمارت کا افتتاح عمل میں لایا جاتا ہے تو مجلس اس تقریب میں شرکت کرے گی
انہوں نے کانگریس سمیت 19 اپوزیشن پارٹیوں کی جانب سے صدرجمہوریہ کے ہاتھوں پارلیمنٹ کی نئی عمارت کا افتتاح کروانے کے مطالبہ کو بھی غیر دستوری قرار دیا۔ انہوں نے کہا کہ صدر جمہوریہ کو بھی دستور نے پارلیمنٹ کی عمارت کا افتتاح کرنے کا کوئی اختیار نہیں دیا ۔ اپوزیشن پارٹیوں کے قائدین نے دستور کا صحیح مطالعہ نہیں کیا۔ دستور نے صرف لوک سبھا اسپیکر کو افتتاح کا اختتار دیا ہے
''नए संसद भवन की जरूरत है, लेकिन इसका उद्घाटन PM को नहीं करना चाहिए''
AIMIM प्रमुख @asadowaisi का बयान #AsaduddinOwaisi #AIMIM #NewParliamentBuilding | Asaduddin Owaisi pic.twitter.com/0qNTXHKwAn
— News24 (@news24tvchannel) May 24, 2023
