بھینسہ میں پولیس کا کارڈن سرچ کا رڈن سرچ آپریشن۔ دوران 59 بائکس اور دیگرگاڑیاں ضبط
بھینسہ ( نامہ نگار محمد مشرف ) آج بھینسہ شہر کے ذولفقار گلی میں محکمے پولیس کی جانب سے صبح کی اولین ساعتوں میں کمیونٹی رابطہ کے تحت پولیس کا کارڈن سرچ آپریش کا انعقاد عمل میں لایا گیا۔ اس پروگرام کے تحت (59) ٹو وہیلرس آٹو 5 اور فور وہیلر 4 کو دستاویزات کی عدم موجودگی پر ضبط کیا گیا۔
بعد ازاں اس پروگرام سے بھینسہ ٹاون سرکل انسپیکر ایل سرینو نے میڈیا کے زریعہ عوام سے خطاب کرتے ہوئے کہا کہ نرمل ضلع ایس پی سی ایچ پروین کمار اور اے ایس پی کانتی لال سبھاش پاٹل کی ہدایت پر بھینسہ کے ذولفقار گلی میں ایک کمیونٹی رابطہ پروگرام کا انعقاد کیا گیا۔ اس موقع پر عوام کے گھر گھر پہنچ کر ان کے گاڑیوں کے مکمل دستاویزات جسمیں رجسٹریشن سرٹیفیکٹ ۔ گاڑی کے انسورنس پیپر نمبر پلیٹ وغیرہ کی جانچ کی گئی۔ انہوں نے کہا کہ موٹرسائیکلوں کو چلاتے وقت روڈ سیفٹی اصولوں پر عمل کرنا چاہئے بغیر ہیلمٹ کے ٹو ہیلرس گاڑیاں نہ چلائیں۔ کیونکہ اکثر تیز رفتار گاڑیاں چلانے کی وجہہ سے ہمارے ساتھ ساتھ دوسرے لوگوں کی بھی اموات واقع ہو رہی ہے اور آج کل ہم خود دن بہ دن ہور ہے حادثات دیکھ رہے ہیں ۔ اس لیے ان حادثات سے اپنے ساتھ دوسروں کی جانوں کی حفاظت کے لیے ٹو ہیلرس چلاتے وقت ہیلمٹ کے ساتھ ساتھ انسورنس رکھنے کوکہا۔ کیونکہ کوئی نا گہانی واقعہ در پیش آتا ہے تو اس صورت میں ہمارے لیے یہ انسورنس مددگار ثابت ہوتا ہے۔
انہوں نے تمام ہی عوام سے درخواست کی کہ وہ اپنی گاڑیوں کو اپنے نام پر موجود نہیں ہے تو خود اپنے نام رجسٹریشن کروانے کو کہا اور مکمل دستاویزات کے ساتھ ہی گاڑیاں چلانے کو کہا اور نابالغ بچوں کو گاڑیاں چلانے کے لئے نہ دینے کو کہا۔ مزید اس موقع پر انہوں نے عوام میں سائبر کرائم کے متعلق شعور بیدار کرتے ہوئے سائبر کرائم دھوکوں سے خود کو کو چوکنا ر کھنے کو کہا۔ اور اپنے بنک کے تفصیلات OTP نمبر ز اجنبی افراد کو نہ بتانے اور موبائل اسکرینس پر دکھائے گئے کسی بھی آن لائن لنک کو اوپن نہ کرنے کو کہا۔ اس پروگرام میں ایس آئی تروپتی ، سرینواس، محمد غوث کے علاوہ کثیر تعداد میں پولیس اہلکاروں نے حصہ لیا۔
