گورنمنٹ ڈگری کالج بودھن (خودمختار) میں 6/مئ سے داخلوں کا آغاز۔۔۔۔ خواہشمند طلباء وطالبات آن لائن فارم کےزریعہ اپنا رجسڑیشن کرالیں۔ پرنسپل گورنمنٹ ڈگری کالج بودھن ایس سریش کا بیان
ڈاکٹر ایس سریش پرنسپل گورنمنٹ ڈگری کالج بودھن کی اطلاع کے بموجب تعلیمی سال 2024.25 کے لئے گورنمنٹ ڈگری کالج بودھن میں داخلوں کا آج یعنی بتاریخ 6/مئ سے آغاز ہو رہا ہے. درخواست فارم ڈگری آن لائن سروسز تلنگانہ DOST ویب سائٹ کے ذریعے پیش کرنا ہوگا. انٹر میڈیٹ کامیاب طلباء گورنمنٹ ڈگری کالج بودھن کے بی اے بی کام بی ایس سی سال اول میں داخلوں کے اہل ہیں. کالج میں بی اے بی کام کمپیوٹر اپلیکیشن انگریزی اور اردو اور تلگو اوربی ایس سی انگریزی اور تلگو میڈم میں دستیاب ہے
۔ ہر گروپ کے لئے 60 نشستیں دستیاب ہیں. آن لائن درخواست فارم کے ادخال کے لئے کالج پر ہیلپ ڈیسک سے رجوع ہو کر طلباء اپنی درخواستیں داخل کر سکتے ہیں. آن لائن درخواست دینے کے لیے انٹر کامیاب میمو کا رول نمبر ۔آدھار نمبر اور آدھار سے منسلک فون نمبر ساتھ رکھنا ہوگا. 200 روپے آن لائن رجسٹریشن فیس کی ادائیگی کے بعد دوست ویب سائٹ پر طلباء کو لاگ ان کے لئے رجسٹریشن نمبر دیا جائے گا. آن لائن درخواستیں 6 مئی تا 25 مئی تک داخل کی جا سکتی ہیں. 15 مئی سے ویب آپشن شروع ہوگا جس میں طلباء کو پہلی پسند کے طور پر گورنمنٹ ڈگری بودھن (خود مختار) کا انتخاب کرنا ہوگا۔
3 جون سے طلباء اپنی الاٹ کردہ سیٹ کو کنفرم کر سکتے ہیں۔ 8 جولائی سے سال اول کی کلاسز کا آغاز ہوگا. طلباء کو چاہیے کہ وہ جاری سال کا انکم سرٹیفکیٹ اور کاسٹ سرٹیفکیٹ ساتھ رکھیں۔یہ طلبء اسکالر شپ کے اہل ہوں گے اور ان کی ٹیوشن فیس بھی معاف ہوگی. گورنمنٹ ڈگری کالج بودھن (خود مختار) میں طلباء کی سہولت کے لئے کشادہ کمرہ جماعت اسمارٹ بورڈ عصری سائنس و کمپیوٹر لیب لائبریری جم ٹھنڈے میٹھے پانی کی سہولت اور دیگر مواقع دستیاب ہیں کالج میں ماہر اساتذہ کی نگرانی میں تعلیم دی جاتی ہے اور طلباء کی صلاحیتوں کو پروان چڑھانے کے لیے این ایس ایس ویمن امپاورمنٹ گروپ اور دیگر سہولتیں موجود ہیں
گورنمنٹ ڈگری کالج بودھن (خود مختار) کو نیاک بی گریڈ حاصل ہے اور یہ کالج بودھن کا ایک ترقی یافتہ کالج ہے مدہول، ایڑپلی، رنجل کوٹگیر ،رودر،بلولی اکبر نگر، سلیمان فارم، اورجنکمپیٹ،دیگلور ریاست کے کسی بھی علاقے کے طلباء کالج میں داخلہ لے سکتے ہیں داخلوں کی مزید رہنمائی کے لیے انٹر کامیاب طلباء کالج کے ہیلپ ڈیسک سے رجوع ہوں.
