تلنگانہ کے نظام آباد اربن اسمبلی حلقہ کے آزاد امیدوار کی خودکشی _ پولنگ ہوگی یا نہیں ؟

نظام آباد _ 19 نومبر ( اردولیکس) تلنگانہ کے نظام آباد اربن حلقہ سے آزاد امیدوار کے طور پر مقابلہ کرنے والے ایک شخص نے پھانسی لگا لی۔ اس واقعہ نے الیکشن کے دوران ہلچل مچا دی۔ کنیا گوڑ (35) کا سائی نگر میں گھر میں پھانسی لگا کر خودکشی کرنے کا واقعہ اتوار کی صبح منظر عام پر آیا۔ یاماگنتی کنیا گوڑ نظام آباد اربن حلقہ سے آزاد امیدوار کے طور پر اسمبلی انتخابات میں حصہ لے رہے ہیں۔ حال ہی میں کاغذات نامزدگی کا عمل مکمل ہونے کے بعد معلوم ہوا کہ انہیں انتخابی نشان کے طور پر روٹی میکر ملا ہے۔

دریں اثنا، اتوار کو کنیا گوڑ کی خودکشی سے ریاست کی سیاست میں سنسنی پھیل گئی۔ تاہم مقامی لوگوں کا کہنا ہے کہ اس نے شخصی وجوہات کی بنا پر خودکشی کی ہو گی۔ الیکشن لڑنے والے آزاد امیدوار کی خودکشی نے ہلچل مچا دی ہے۔ انتخابات کے انعقاد پر اثر انداز ہونے کی افواہیں پورے حلقے میں موضوع بحث بن گئی ہیں۔ پولیس نے وہاں پہنچ کر تفتیش شروع کر دی۔ الیکشن میں حصہ لینے والے ایک آزاد امیدوار کی خودکشی کے تناظر میں الیکشن حکام الیکشن کمیشن کے حکام سے الیکشن کرانے کے طریقہ کار پر بات چیت کر رہے ہیں۔

واضح رہے کہ نظام آباد اربن حلقہ سے اہم پارٹی امیدواروں بی آر ایس سے بیگانہ گنیش گپتا ، کانگریس سے محمد علی شبیر ، بی جے پی سے سوریہ نارائنا دھن پال مجموعی طور ( 21) شاملِ ہیں