بس ڈرائیور کو اچانک ہارٹ اٹیک _ ٹریفک سگنل پر رکی گاڑیوں کو روندتے ہوئے بس آگے بڑھ گئی _ ویڈیو دیکھیں

جبل پور _ 3 دسمبر ( اردولیکس) ریاست  مدھیہ پردیش کے جبل پور میں آر ٹی سی بس کے ڈرائیور کو بس چلاتے ہوئے اچانک ہارٹ اٹیک آگیا جس کے نتیجے میں بس بے قابو ہوکر کئی گاڑیوں کو روند دیا ۔ جبل پور کے ایک چوراہے پر ٹریفک سگنل گر گیا۔ تمام گاڑیاں کھڑی ہیں اور اپنی باری کا انتظار کر رہی ہیں۔ اسی دوران ایک بس آئی۔ یہ سامنے والی گاڑیوں سے ٹکرا کر چوراہے کے بیچ میں جا کر رک گئی۔  جہاں اس ناگہانی واقعہ سے سب کچھ دنگ رہ گئے ۔ یہ سب ٹریفک سگنل پر لگے کیمروں میں ریکارڈ ہو گیا۔

ہردیو پٹیل نام کا ایک شخص جبل پور میں آر ٹی سی بس ڈرائیور کے طور پر کام کرتا ہے۔ اس نے معمول کے مطابق جمعہ کو اپنی ڈیوٹی انجام دی۔ بس چلاتے ہوئے اسے دل کا دورہ پڑا اور اس  نے اسٹیئرنگ  پر آخری سانس لی۔ اس دوران ایک ٹریفک سگنل پر رکی گاڑیوں سے بس  ٹکرا گئی۔ آٹو اور چند بائکس کو تھوڑے فاصلے تک بس روندتے ہوئے آگے بڑھ  کر رک گئی ۔ جس کے نتیجے میں دو افراد کی موت ہو گئی اور متعدد زخمی ہو گئے۔