حیدرآباد ایرپورٹ سے چھلانگ لگانے والی بنگلور کی لڑکی کو کمانڈوز نے بچا لیا: ویڈیو دیکھیں
حیدرآباد: شہرحیدرآباد کے شمس آباد ایرپورٹ پربنگالورو سے تعلق رکھنے والی لڑکی نے خودکشی کی کوشش کی جس کو چوکس سی آئی ایس ایف کے عہدیداروں نے ناکام بناتے ہوئے بچالیا۔اس لڑکی کی شناخت بنگالوروساوتھ کی رہنے والی 22سالہ شویتا ایم کے طورپر کی گئی ہے۔
کل شب تقریبا 12بجے یہ لڑکی بنگالورو سے شمس آباد ایرپورٹ پہنچی۔اس نے ڈپارچربلڈنگ سے فوری طورپرنیچے کودنے کی کوشش کی تاہم وہاں موجود چوکس سی آئی ایس ایف عہدیداروں نے اس کو بچالیا۔اس کو فوری طورپر متعلقہ پولیس کے حوالے کردیاگیا۔
اس واقعہ کاویڈیو سوشیل میڈیا کے مختلف پلیٹ فارمس پر تیزی کے ساتھ وائرل ہوگیا ہے جس میں دیکھاجاسکتا ہے کہ یہ لڑکی نیچے کودنے کی کوشش کررہی ہے تاہم سی آئی ایس ایف کا عملہ اس کو کافی جدوجہد کے بعد بچانے میں کامیاب رہا۔پولیس اس سے اس انتہائی اقدام کی وجہ معلوم کرنے کی کوشش کررہی ہے۔
CISF quick reaction Commandos of Hyderabad Airport saved a girl Swetha Banglore Karnataka attempting suicide pic.twitter.com/walpGoTOh4
— urduleaks news (@UrduleaksN87793) June 10, 2023
