وائس چانسلر تلنگانہ یونیورسٹی رشوت لیتے ہوئے رنگے ہاتھوں پکڑے گئے

حیدرآباد: تلنگانہ یونیورسٹی کے وائس چانسلر ‏(VC)  رویندر اینٹی کرپشن بیورو کے جال میں پھنس گئے ہیں۔ اے سی بی کے حکام نے انہیں حیدرآباد کے تارناکہ میں واقع ان کی رہائش گاہ پر 50,000 روپے رشوت لیتے ہوئے پکڑ لیا۔ بھیمگل میں امتحانی مرکز قائم کرنے کے لیے شنکر نامی شخص سے 50 ہزار روپے کی رشوت لیتے ہوئے اے سی بی کے حکام نے دھاوا کر کے انہیں رنگے ہاتھوں پکڑ لیا۔ فی الحال اے سی بی کے عہدیداران وی سی کے گھر کی تلاشی لے رہے ہیں۔