آندھراپردیش اسمبلی میں وائی ایس آر کانگریس اور تلگودیشم کے ارکان کے درمیان مار پیٹ کا واقعہ
حیدرآباد _ 20 مارچ ( اردولیکس) آندھراپردیش اسمبلی میں آج صبح افراتفری دیکھی گئی پیر کی صبح جب اسمبلی کا اجلاس شروع ہوا. تلگودیشم کے ارکان نے جی او نمبر ایک کو منسوخ کرنے کا مطالبہ کرتے ہوئے اسپیکر کے پوڈیم کا گھیراؤ کیا اور نعرے لگائے۔ ٹی ڈی پی ارکان اسمبلی نے اجلاس کی کارروائی کو روک دیا۔ جس کے جواب میں حکمراں وائی ایس آر کانگریس کے ارکان اسمبلی بھی میدان میں اتر پڑے ۔ وائی ایس آر سی پی کے ارکان اسمبلی بھی ٹی ڈی پی سے مقابلہ کرنے اسپیکر کے پوڈیم تک پہنچ گئے۔ اور چندرا بابو اور ٹی ڈی پی ارکان کے رویے پر احتجاج کرتے ہوئے نعرے لگائے۔ اس دوران وائی ایس آر کانگریس اور ٹی ڈی پی کے ارکان کے درمیان اسپیکر کے پوڈیم کے قریب جھگڑا ہوا۔
اس وقت وائی سی پی اور ٹی ڈی پی ایم ایل اے کے درمیان ہاتھا پائی بھی ہوئی۔ اس دوران سلور پیٹ کے ایم ایل اے سنجیویا نے ٹی ڈی پی ارکان پر حملہ کیا۔ اس کے بعد ٹی ڈی پی ایم ایل اے سوامی اور وائی سی پی ایم ایل اے سدھاکر بابو کے درمیان جھڑپ ہوئی۔ ایک مرحلے پر دونوں کے درمیان مارپیٹ بھی ہو گئی۔ اس کے فوراً بعد ٹی ڈی پی ارکان نے اسپیکر کے پوڈیم کو گھیر لیا ۔ اسپیکر نے ارکان کو قابو کرنے کی بھرپور کوشش کی۔ اسپیکر نے برہمی کا اظہار کرتے ہوئے کہا کہ ارکان تحمل سے کام لیں۔ ارکان کے نہ سننے پر اسپیکر نے اسمبلی کی کارروائی ملتوی کر دی۔
ఏపీ అసెంబ్లీలో కొట్టుకున్న ఎమ్మెల్యేలు
కొట్టుకున్న టీడీపీ ఎమ్మెల్యే డోలా వీరాంజనేయస్వామి, వైసీపీ ఎమ్మెల్యే సుధాకర్ బాబు.
బుచ్చయ్యచౌదరి దగ్గర ప్లకార్డు లాక్కుని నెట్టిన వెల్లంపల్లి శ్రీనివాస్.#APAssembly #AndhraPradesh #TDP #YSRCP pic.twitter.com/rAz4JfOHDa
— Telugu Scribe (@TeluguScribe) March 20, 2023
