احاطہ پولیس اسٹیشن میں نوجوان نے خود کو آگ لگا لی۔ حیدرآباد میں واقعہ

حیدرآباد: کلثوم پورہ پولیس اسٹیشن میں موٹر سائیکل چوری کے ایک مقدمے میں گرفتار ملزم نے لاک اپ کے اندر خود کو آگ لگا کر خودکشی کی کوشش کی۔ وہ معمولی جھلسنے کے زخموں کے ساتھ اس وقت عثمانہ جنرل ہاسپٹل میں زیرِ

 

علاج ہے۔اے سی پی وی۔ تروپتی اور انسپکٹر اے۔ رامولو کے مطابق چندرائن گٹہ سے تعلق رکھنے والا 28 سالہ اسحاق ضیا گوڑہ میں رہتا ہے۔ اس نے 11 تاریخ کو میکل منڈی علاقے سے ایک موٹر سائیکل چوری کر کے رام کوٹ میں فروخت

 

کی تھی۔ باوثوق ذرائع کی اطلاع ملنے پر منگل کی رات کلثوم پورہ کرائم ٹیم کے پولیس اہلکار اسے تفتیش کے لیے پولیس اسٹیشن لے آئے۔ رات کے وقت اسے لاک اپ میں بند کر دیا گیا۔ آدھی رات کے قریب استاخ نے پولیس سے اجازت

 

لے کر واش روم جانے کی درخواست کی اور واپس آیا۔کچھ ہی دیر بعد لاک اپ کے اندر سے اس کی چیخوں کی آواز آئی۔ پولیس نے دیکھا کہ اس نے اپنے جسم کو آگ لگا لی ہے۔ اہلکاروں نے فوراً آگ بجھائی اور زخمی حالت میں اسے عثمانیہ

 

اسپتال منتقل کیا۔ ڈاکٹروں کے مطابق اس کی حالت اس وقت مستحکم ہے۔پولیس کو شبہ ہے کہ واش روم جانے کے دوران اسے ماچس یا آگ جلانے کی کوئی چیز ملی ہوگئی جس سے اس نے خود کو آگ لگائی۔پولیس کے مطابق

 

اسحاق کے خلاف کلثوم پورہ پولیس اسٹیشن میں پہلے ہی چوری کے چار مقدمات درج ہیں۔ اس کے علاوہ وہ ایک کم عمر لڑکی کے اغوا اور زیادتی کے پوکسو مقدمے میں بھی ملزم ہے

 

جبکہ حسینی علم پولیس اسٹیشن میں بھی اس پر چوری کا ایک اور مقدمہ درج ہے۔