بیوی کی ہراسانی سے تنگ شخص نےمانگی موت کی اجازت ۔کلکٹر کو لکھا خط

نئی دہلی: بیوی کی مبینہ ہراسانی اور ذہنی اذیت سے پریشان ایک شخص نے اپنی رحم کی موت کی اجازت دینے کی درخواست کرتے ہوئے ضلع کلکٹر کو خط لکھ دیا۔ گجرات کے شہر سورت میں پیش آیا یہ واقعہ اس وقت موضوعِ بحث بنا ہوا

 

ہے۔تفصیلات کے مطابق سورت کے کریت پٹیل نے سال 2024 میں ایک مقامی خاتون سے شادی کی تھی۔ قابلِ ذکر بات یہ ہے کہ یہ دونوں کی تیسری شادی تھی۔پٹیل کا الزام ہے کہ شادی کے بعد سے ان کی بیوی اور ساس مسلسل ان پر

 

پیسوں کے لیے دباؤ ڈال رہی ہیں اور انہیں ذہنی طور پر ہراساں کر رہی ہیں۔ انہوں نے دعویٰ کیا کہ خواتین کے تحفظ کے لیے بنائے گئے قوانین کا ان کی بیوی نے جھوٹی شکایات درج کروا کر غلط استعمال کیا ہے۔ان کا مزید کہنا ہے کہ ان کی

 

بیوی نے اپنے سابق شوہروں کے ساتھ بھی اسی طرح کا رویہ اختیار کیا تھا اور ان سے بھی رقم وصول کی تھی۔کریت پٹیل کے مطابق انہوں نے اپنی مشکلات کے حل کے لیے پولیس سے بھی رجوع کیا، لیکن ان کی شکایت پر کوئی توجہ

 

نہیں دی گئی۔انہوں نے کہا کہ مسلسل ہراسانی کے باعث وہ شدید ذہنی دباؤ اور اذیت کا شکار ہو چکے ہیں۔ اسی لیے انہوں نے ضلع کلکٹر کو ایک خط لکھ کر اپنی رحم کی موت کی اجازت طلب کی ہے۔اپنے خط میں انہوں نے یہ بھی مؤقف

 

اختیار کیا کہ گھریلو تشدد کا سامنا کرنے والے مردوں کے لیے مناسب قانونی تحفظ موجود نہیں ہے۔تاہم ضلع انتظامیہ نے تاحال ان کی درخواست یا رحم کی موت کے مطالبے پر کوئی باضابطہ ردِعمل ظاہر نہیں کیا ہے۔