آندھرا پردیش پولیس کے خلاف تلنگانہ میں مقدمہ درج۔اپنی نوعیت کا منفرد واقعہ
حیدرآباد: آندھرا پردیش پولیس کے خلاف تلنگانہ میں مقدمہ درج ہونے سے دونوں ریاستوں کے پولیس حلقوں میں ہلچل مچ گئی ہے۔تفصیلات کے مطابق آندھرا پردیش کے ضلع وجیانگرم کے بوبّلی پولیس اسٹیشن کے سرکل انسپکٹر (سی آئی)
سرینواس راؤ کے خلاف حیدرآباد کے سرور نگر پولیس اسٹیشن میں ایف آئی آر درج کی گئی ہے۔یہ مقدمہ سینئر صحافی کے. وینکٹ رام ریڈی کی اہلیہ وجیہ لکشمی کی تحریری شکایت کی بنیاد پر درج کیا گیا۔ اپنی شکایت میں وجیہ لکشمی
نے الزام لگایا کہ سی آئی سرینواس راؤ نے ان کے ساتھ انتہائی نامناسب اور غیر انسانی رویہ اختیار کیا۔ ان کا کہنا تھا کہ قانون کی حفاظت کی ذمہ داری رکھنے والے ایک پولیس افسر نے یہ جانتے ہوئے بھی کہ وہ ایک خاتون ہیں ان کے ساتھ
غیر مہذب اور توہین آمیز سلوک کیا۔وجیہ لکشمی کی شکایت کو سنجیدگی سے لیتے ہوئے سرور نگر پولیس نے ابتدائی تحقیقات شروع کیں۔ بعد ازاں بوبّلی کے سی آئی سرینواس راؤ کے خلاف مختلف دفعات کے تحت مقدمہ درج کر لیا
گیا۔ایک ریاست کے پولیس افسر کے خلاف پڑوسی ریاست میں مقدمہ درج ہونا اس وقت ایک اہم موضوعِ بحث بن گیا ہے۔ سرور نگر پولیس نے اس معاملے کی مزید تفتیش تیز کر دی ہے۔
