صحافیوں پر حملہ جمہوریت کی آواز دبانے کے مترادف، حملہ آوروں کو فوری گرفتار کیا جائے
صحافیوں پر حملہ جمہوریت کی آواز دبانے کے مترادف، حملہ آوروں کو فوری گرفتار کیا جائے
اوٹکور: کرشنا منڈل کے واسو نگر کے قریب دریائے کرشنا سے ہونے والی غیر قانونی ریت کی منتقلی کی کوریج کے دوران نمستے تلنگانہ کے ماگنور نامہ نگار رامو اور فوٹوگرافر طاہر علی پر ریت مافیا کے حملے کی اوٹکور منڈل پریس کلب کے قائدین نے سخت مذمت کی ہے۔
انہوں نے کہا کہ غیر قانونی سرگرمیوں کو بے نقاب کرنے والے صحافیوں پر جسمانی حملے جمہوریت پر حملے کے مترادف ہیں۔ خبر جمع کرنے کے دوران صحافیوں پر حملہ کرنے والے ملزمان کو فوری طور پر گرفتار کیا جائے اور ان کے پیچھے موجود ریت مافیا کے خلاف بھی سخت کارروائی کی جائے۔
پریس کلب رہنماؤں نے خبردار کیا کہ اگر غیر قانونی ریت کی اسمگلنگ کو روکنے کے ذمہ دار حکام لاپروائی برتتے رہے تو ایسے واقعات دوبارہ پیش آ سکتے ہیں۔ انہوں نے حکومت سے مطالبہ کیا کہ صحافیوں کی حفاظت کو یقینی بنایا جائے اور قصورواروں کے خلاف سخت قانونی دفعات کے تحت مقدمات درج کرکے انہیں قرار واقعی سزا دی جائے۔
اس موقع پر اوٹکور منڈل پریس کلب کے صدر پرتاپ ریڈی، محمود ،اشوک، وٹھوبا، منظور علی، وینکٹ رامولو، بھانو چندر، اشفاق، سلمان، نرسمہا، وینکٹیش، انیل، ذاکر، اور دیگر موجود تھے۔
