ریڈ کراس سوسائٹی کی ریاستی کونسل کے رکن منتخب ہونے پر وکیل انیل کمار کی تہنیت
آرمور نمائندہ محمد صادق۔۔
آرمور ٹاؤن کے معروف وکیل اور بار ایسوسی ایشن کے سابق جنرل سکریٹری جیسیو انیل کمار کو حال ہی میں منعقدہ ‘انڈین ریڈ کراس سوسائٹی’ نظام آباد ضلع انتخابات میں ان کی جیت اور سوسائٹی کے ریاستی کونسل کے رکن کے طور پر ان کی تقرری کے موقع پر آرمور بار ایسوسی ایشن نےشال پوشی کرتے ہوئے مبارکباد پیش کی۔
یہ تقریب مقامی بار ایسوسی ایشن ہال میں ایسوسی ایشن کے صدر پروین چندر کی صدارت میں منعقد ہوئی۔اس موقع پر ممتاز قانون دان سری جیسس انیل کمار کو گلپوشی کرتے ہوئے نیک تمناؤں کا اظہار کیا۔
اس موقع پر مقررین نے خطاب کرتے ہوئے اس بات پر خوشی کا اظہار کیا کہ آرمور بار ایسوسی ایشن سے ایک وکیل کا بطور ممبر ریڈ کراس سوسائٹی اسٹیٹ کونسل کا انتخاب ہونا تمام آرمور وکلاء کے لیے باعث فخر ہے۔ انہوں نے تجویز پیش کی کہ انیل کمار کی قیادت میں ریڈ کراس سوسائٹی کی رکنیت میں خاطر خواہ اضافہ ہونا چاہیے اور عوام کو خدمتی ذہنیت کے ساتھ کام کرتے ہوئے ریڈ کراس سوسائٹی کی جانب سے فراہم کی جانے والی طبی خدمات اور دیگر امدادی پروگراموں سے پوری طرح آگاہ ہونا چاہیے۔نوجوانوں میں خصوصاً دیہی علاقوں میں منشیات سے ہونے والے نقصانات کے بارے میں آگاہی پیدا کرنے کی ضرورت ہے، تاکہ وہ اپنی زندگیاں برباد نہ کریں۔ مقررین نے کہا کہ خون کے عطیہ کے ساتھ ساتھ اعضاء کے عطیہ کی اہمیت کے بارے میں لوگوں میں آگاہی پیدا کرنا ریڈ کراس سوسائٹی کی اولین ذمہ داری ہے۔اس پروگرام میں
وکلاء کی بڑی تعداد بشمول آرمور بار اسوسی ایشن کے نائب صدر سدرشن، سینئر وکلاء لوکا بھوپتی ریڈی، گنگاریڈی، جگدیشور ریڈی، سریدھر، کشتیہ، جکولا سریدھر، جگن، مرلی، ٹیڈو نرسیا، پون، تاج الدین، کھندیش سنگیتا، بوچکر وینا، کے علاوہ دیگرموجودتھے۔
