حیدرآباد میں فرنٹ لوڈ واشنگ مشین دھماکہ سے پھٹ پڑا— علاقے میں سنسنی، بڑا حادثہ ٹل گیا

حیدرآباد میں فرنٹ لوڈ واشنگ مشین دھماکہ سے پھٹ پڑا— علاقے میں سنسنی، بڑا حادثہ ٹل گیا
حیدرآباد کے امیرپیٹ میں جمعرات کو ایک گھر کی بالکونی میں اچانک واشنگ مشین دھماکے سے پھٹ گیا ، جس کے نتیجے میں علاقے میں بھگدڑ مچ گئی اور لوگ خوف و ہراس کا شکار ہوگئے۔ خوش قسمتی سے اس واقعے میں کوئی جانی نقصان نہیں ہوا۔
عینی شاہدین کے مطابق دھماکہ اس وقت پیش آیا جب واشنگ مشین چل رہی تھی۔ زوردار آواز سے مشین کے پرخچے اُڑ گئے اور اندرونی حصے چھت تک جا لگے۔ دھماکے کے وقت بالکونی میں کوئی موجود نہ ہونے کے باعث بڑا حادثہ ٹل گیا۔
گھر کے مالک نے بتایا کہ اگر گھر والوں میں سے کوئی بالکونی میں موجود ہوتا تو صورتحال انتہائی خطرناک ہوسکتی تھی۔ انہوں نے یہ بھی کہا کہ دھماکے کی وجہ معلوم نہیں ہوسکی — آیا مشین میں مینوفیکچرنگ خرابی تھی یا مناسب مینٹیننس نہ ہونے کی وجہ سے دھماکہ ہوا۔ بتایا گیا ہے کہ یہ واشنگ مشین مشہور برانڈ ایل جی کمپنی کا تھا
واقعہ کے بعد علاقے کے لوگ خوفزدہ ہوکر گھروں سے باہر نکل آئے، تاہم کسی کے زخمی نہ ہونے پر سب نے سکون کا سانس لیا۔ گھر والوں نے متعلقہ کمپنی کے عہدیداروں سے شکایت درج کروا دی ہے۔



