حکومت ہند کی بڑی توجہ میڈیکل ٹورایزم پر ہے۔ خانگی اسپتال بھی اس پر توجہ کریں۔ ڈاکٹر اوصاف سعید

کے این واصف 

حکومت ہند ملکی سیاحت اور خصوصاُ میڈیکل ٹوریزم کے فروغ پر خاصی توجہ مبذول کئے ہوئے ہے۔ ملک میں اس کے مثبت نتائج بھی دیکھے جارہے ہیں۔ خصوصاُ ایشیائی اور آفریقی ممالک سے لوگ علاج کے لئے حیدرآباد سمیت ملک کے مختلف شہرون کو آرہے ہیں۔ خانگی اسپتالون کو اچھی خدمات پیش کرتے ہوئے اس سے فائدہ اٹھانا چاہئیے۔ ان خیالات کا اظہار سابق سکریٹری وزارت خارجہ ہند ڈاکٹر اوصاف سعید نے کیا۔

 

 

ڈاکٹر اوصاف سعید نے پیر کی شام “Krishna Western Hospital” واقع لکڑی کا پل، حیدرآباد کا دورہ کیا۔ اس موقع پر ڈاکٹر سید شاہ علی حسینی، ڈاکٹر جی ایم فیصل اور انتصار علوی نے اوصاف سعید کو تفصیلات سے واقف کراتے ہوئے کہا کہ کرشنا ویسٹرن اسپتال ایک ملٹی اسپشیالٹی اسپتال ہے جہاں جدید ترین طبی سہولتون اور آلات کے ساتھ مختلف امراض کے ماہرین ڈاکٹرز برسرے خدمت ہیں۔ جس میں ایمرجنسی/ آئی سی یو کے ساتھ میڈیکل اینڈ سرجیکل خدمات 24X7 دستیاب ہیں۔

 

 

اسپتال کے دورے کے بعد ڈاکٹر اوصاف سعید نے کانفرنس ھال میں اسٹاف اور ڈاکٹرز کو مخاطب کرتے ہوئے کہا کہ ڈاکٹرز اور اسٹاف ہمیشہ اپنے آپ کو اپڈیٹ کرتے رہیں، اسپتال مین نئی میڈیکل ٹکنالوجی متعارف کرائین۔ خانگی اسپتالون کو چاہئے کہ وہ سوشیل میڈیا کا استعمال کرتے ہوئے اپنے پاس دستیاب طبی سہولتون کی تشہیر کریں تاکہ ان کا پیام دیگر ممالک تک پہنچے۔ انھون نے اس بات پر بھی زور دیا کہ میڈیکل شعبہ میں دیانتداری ناگزیر ہے۔ غیر ضروری طبی امتحان، آپریشن اور مریض کو غیر ضروری طور پر اسپتال میں داخل رکھنے سے گریز کیا جانا چاہئیے۔ کیونکہ ہمارے یہاں ایک تو میڈیکل انشورنس عام نہین اور لوگ میڈیکل ایمرجنسی پر بھاری رقم خرچ کرنے کے متحمل بھی نہین رہتے۔ اس پر ڈاکٹر حسینی نے بتایا کہ ویسٹرن اسپتال اپنے مریضوں پر غیر ضروری مالی جوجھ

 

ڈالنے سے گریز کرتا ہے۔ یہ ہماری پالیسی کا حصہ ہے۔ انھون نے مزید کہا کہ ہم ڈاکٹرز کی ٹیم نے انسانی خدمت کے جذبہ کے تحت ہی اس اسپتال کا قیام عمل میں لایاہے۔ آخر میں انتصار علوی، ڈاکٹر حسینی اور ڈاکٹر فیصل نے ڈاکٹر اوصاف سعید کو تہنیت پیش کی اور شال پوشی اور گلدستے پیش کئے۔