شادی کی تقریب میں دولہے پر چاقو سے حملہ

جئے پور _ 21 مئی ( اردولیکس ڈیسک) راجھستان کے چتور گڑھ ضلع کے اونچھا گاؤں میں ایک دل دہلا دینے والا واقعہ پیش آیا جہاں ایک ٹیچر نے اسٹیج پر ہی شادی کی تقریب میں دولہے  پر چاقو سے حملہ کر دیا۔ خوش قسمتی سے، دولہا، جس نے پگڑی پہن رکھی تھی، صرف سر پر معمولی چوٹ کے ساتھ بچ گیا۔

 

اس واقعہ کے بعد شادی کی تقریب میں افراتفری مچ گئی، پولیس جائے وقوعہ پر  پہنچ گئی۔دلہن کے بھائی نے بتایا کہ یہ واقعہ کرشنا وینی اور مہندر کی شادی کی تقریب کے دوران پیش آیا۔ اونچھا گاوں کا رہنے والا ٹیچر  شنکر لال بھارتی نے دولہا پر غیر متوقع طور پر حملہ کرنے سے پہلے دلہن کو تحفہ بھی  پیش کیا۔

 

ویڈیو میں ریکارڈ ہونے والا واقعہ سوشل میڈیا پر تیزی سے پھیل گیا۔ حملے کے بعد، شنکر لال وہاں سے فرار ہو گئے، کئی ساتھیوں کے ساتھ موجود تھے ۔ دلہن کے بھائی وشال  نے بتایا کہ یہ واقعہ 12 مئی کو پیش آیا۔

تحقیقات سے پتہ چلا کہ حملہ آور شنکر لال اور دلہن کرشنا وینی، پہلے ایک سرکاری پرائمری اسکول میں ایک ساتھ کام کرتے تھے، جہاں شنکر لال اس سے یکطرفہ محبت کرتا تھا ۔ پولیس نے ملزم نوجوان کو ساتھیوں سمیت گرفتار کر لیا ہے۔