تلنگانہ کے آرمور میونسپل کمشنر رشوت لیتے ہوئے گرفتار

تلنگانہ کے ارمور میونسپل کمشنر رشوت لیتے ہوئے گرفتار

 

تلنگانہ کے نظام آباد ضلع کے ارمور میں میونسپل کمشنر اے راجو اور ان کے خانگی ڈرائیور بھومیش کو اے سی بی نے رنگے ہاتھوں گرفتار کرلیا۔ کمشنر نے نئی تعمیر شدہ عمارت کو ہاؤس نمبر الاٹ کرنے کے لیے شکایت کنندہ سے 20 ہزار روپے رشوت کا مطالبہ کیا تھا

 

، جسے ڈرائیور کے ذریعہ وصول کیا گیا۔ نشان زدہ رقم ڈرائیور سے برآمد ہوئی جبکہ اس کے بیاگ سے مزید 4 لاکھ 30 ہزار روپے غیر محسوب نقد بھی ضبط کی گئی۔

 

دونوں ملزمین کو حراست میں لے کر نامپلی کی اسپیشل اے سی بی کورٹ میں پیش کیا جا رہا ہے۔ کیس کی تحقیقات جاری ہیں

 

۔ اے سی بی نے عوام سے اپیل کی ہے کہ سرکاری ملازم کے رشوت طلب کرنے پر ٹول فری نمبر 1064 یا واٹس ایپ 9440446106 پر اطلاع دیں۔ شکایت گزار کی شناخت صیغۂ راز میں رکھی جائے گی۔