حیدرآباد میں نقلی آئی پی ایس عہدیدار پکڑا گیا—گن مین، سائرن اور جعلی کارڈ کے ساتھ کروڑوں کا فراڈ بے نقاب

حیدرآباد کے فلم نگر میں نقلی آئی پی ایس عہدیدار کی پولیس نے گرفتار کرلیا ہے۔ خود کو آئی پی ایس اور آئی اے ایس عہدیدار ظاہر کرتے ہوئے ششی کانت نامی شخص نے بلڈروں کو نشانہ بنا کر بھاری رقوم بٹورنے کا اسکام چلایا تھا۔

پولیس تحقیقات میں سامنے آیا کہ ششی کانت دو گن مین ساتھ رکھ کر سرکاری عہدے کا رعب دکھاتا تھا، گاڑیوں پر پولیس سائرن اور واکی ٹاکی لگا کر اپنے آپ کو اسپیشل آفیسر ظاہر کرتا تھا اور جعلی شناختی کارڈ کے ساتھ ٹی ایس آئی آئی سی کا جعلی لیٹر دکھا کر پراجکٹس دلانے کے نام پر رقم وصول کرتا تھا

اس نے گولڈ جم کے مالک  سے 10 لاکھ روپے، جم سپروائزر سے 8 لاکھ روپے اور مکان مالک سمیت کئی افراد سے لاکھوں روپے حاصل کیے گئے اور رقم واپس مانگنے پر گن مینوں کے ذریعے دھمکیاں دی جاتی تھیں۔ شکایات موصول ہونے پر فلم نگر پولیس نے کارروائی کرتے ہوئے ششیکانت کو حراست میں لے لیا اور اس کے قبضے سے دو موبائل فون، دو آر سم کارڈ، دو واکی ٹاکی اور جعلی شناختی کارڈ برآمد کئے گئے

جبکہ تمل ناڈو سے تعلق رکھنے والے دونوں گن مین کے خلاف اسلحے کے غلط استعمال پر مقدمات درج کیے گئے ہیں۔ ڈی سی پی سرینواس نے عوام کو خبردار کرتے ہوئے کہا کہ خود کو سرکاری افسر ظاہر کرنے والے افراد کے دعوؤں کی تصدیق کیے بغیر کسی مالی لین دین میں شامل نہ ہوں ورنہ ایسے دھوکے باز آسانی سے لوگوں کو شکار بناتے رہیں گے۔