عید کے کپڑوں پر شوہر سے جھگڑا — حیدرآباد میں سنگدل ماں نے 14 ماہ کی بیٹی کا گلا دبا کر قتل کردیا

حیدرآباد کے گولکنڈہ پولیس اسٹیشن حدود میں ماه رمضان میں ایک دل دہلا دینے والا واقعہ پیش آیا جہاں عید کے کپڑوں کے معاملہ پر شوہر سے جھگڑے کے بعد ایک خاتون نے اپنی 14 ماہ کی شیر خوار بیٹی کا گلا دبا کر قتل کردیا۔

پولیس کے مطابق رسالہ بازار کے رہنے والے عامر علی نے 2023 میں مقامی لڑکی غوٹیہ سے محبت کی شادی کی تھی اور دونوں کے ہاں 14 ماہ کی بچی امّے ایمن تھی۔ بتایا جاتا ہے کہ عید کے کپڑوں کے معاملہ پر میاں بیوی کے درمیان جھگڑا ہوا جس کے بعد خاتون نے مبینہ طور پر بچی کو تکیے سے دبا کر ہلاک کردیا۔

بچی کو فوری طور پر قریبی خانگی ہاسپٹل منتقل کیا گیا جہاں ڈاکٹروں نے اسے مردہ قرار دیا۔ بعد ازاں نعش کو پوسٹ مارٹم کے لیے عثمانیہ اسپتال منتقل کردیا گیا۔ پولیس نے بچی کی ماں کو حراست میں لے کر پوچھ تاچھ شروع کردی ہے اور کیس درج کرکے تحقیقات جاری ہیں۔