20 دلہنوں کا دلہا گرفتار

ممبئی _ 28 جولائی ( اردولیکس ڈیسک) مہاراشٹر کے پالگھر ضلع سے ایک چونکا دینے والا واقعہ سامنے آیا ہے۔ اس واقعہ میں ایک 43 سالہ شخص کو گرفتار کیا گیا ہے جس کے بارے میں کہا جاتا ہے کہ اس نے مبینہ طور پر 20 سے زائد خواتین سے شادی کی اور ان سے ان کا قیمتی سامان لوٹا۔

 

پولیس  انسپکٹر وجئے سنگھ  نے بتایا کہ ایم بی وی وی پولیس نے ملزم فیروز نیاز شیخ کو تھانے ضلع کے کلیان سے 23 جولائی کو نالہ سوپارہ کی ایک خاتون کی شکایت کی جانچ کے دوران گرفتار کیا تھا۔سینئر انسپکٹر وجے سنگھ  نے کہا کہ شکایت کنندہ کے مطابق ملزم نے اس سے شادی کی ویب سائٹ پر دوستی کی اور اس سے شادی کی۔

نیاز شیخ نے کئی روپے نقدی، لیپ ٹاپ اور دیگر قیمتی سامان چھین لیا۔ واقعہ کے بارے میں میڈیا کو دیتے ہوئے انسپکٹر نے بتایا کہ اکتوبر اور نومبر 2023 میں خاتون سے 6.5 لاکھ روپے لئے گئے جس کے بعد تعزیرات ہند کی متعلقہ دفعات کے تحت ایف آئی آر درج کی گئی۔

 

انسپکٹر نے بتایا کہ پولیس نے ملزم سے لیپ ٹاپ، موبائل فون، ڈیبٹ اور کریڈٹ کارڈ، چیک بک اور زیورات ضبط کر لیے ہیں۔ انہوں نے کہا کہ تحقیقات سے پتہ چلا ہے کہ شیخ نیاز شیخ  نے شادی کے لئے طلاق شدہ اور بیواؤں کو نشانہ بنایا، ان سے شادی کی اور ان سے قیمتی اشیاء لے کر دھوکہ کیا۔

 

انسپکٹر نے بتایا کہ 2015 سے ملزم نے ملک کے مختلف حصوں بشمول مہاراشٹر، مدھیہ پردیش، اتر پردیش، دہلی اور گجرات میں 20 سے زائد خواتین کو دھوکہ دیا۔