لیڈی ڈاکٹرس اور میڈیکل طالبات کے کپڑے تبدیل کرنے کی خفیہ ویڈیو گرافی، میڈیکل کالج کا ملازم گرفتار۔ فون میں 200 ویڈیوس کی ریکارڈنگ کا انکشاف
لیڈی ڈاکٹرس اور میڈیکل طالبات کے کپڑے تبدیل کرنے کی خفیہ ویڈیو گرافی، میڈیکل کالج کا ملازم گرفتار۔ فون میں 200 ویڈیوس کی ریکارڈنگ کا انکشاف
حیدرآبا: ریاست آندھرا پردیش کے گنٹور کے نواحی علاقہ میں ایک میڈیکل کالج میں، خواتین ڈاکٹروں اور میڈیکل طالبات کے کپڑے بدلتے وقت ویڈیو بنانے والے ایک میل نرس کو پولیس نے منگل کے روز گرفتار کر لیا۔ اس کا فون ضبط کر کے فوررینسک لیب بھیج دیا گیا۔
پولیس کے مطابق ایک ماہ قبل وینکٹ سائی نامی شخص اس اسپتال میں میل نرس کے طور پر شامل ہوا تھا۔ آپریشن تھیٹر میں خواتین ڈاکٹروں اور پی جی طالبات کے کپڑے بدلنے کے دوران اس نے فون سے ویڈیوز بنائیں جس کی شکایت موصول ہونے پر پولیس نے ملزم کو حراست میں لے لیا۔بتایا گیا ہے کہ ملزم کے فون میں موجود ویڈیوز کو پہلے ہی خواتین ڈاکٹروں نے ڈیلیٹ کر دیا تھا اور پولیس اب ان ڈیٹا کو دوبارہ حاصل کرنے کی کارروائی کر رہی ہے۔
متعلقہ ڈی ایس پی کے مطابق ملزم کے فون میں 200 ویڈیوز ہونے کی بات وائرل ہو رہی ہے لیکن اس کے بارے میں کوئی ثبوت موجود نہیں ہے ۔
