اترپردیش میں انتخابات کا ہورہا ہے مذاق _ نابالغ لڑکے نے بی جے پی کو ڈالے 8 ووٹ
لکھنؤ _ 19 مئی ( اردولیکس ڈیسک) اترپردیش کے ایک پولنگ بوتھ کا ویڈیو سوشل میڈیا پر کافی وائرل ہو رہا ہے
اس ویڈیو نے اتر پردیش میں سیاسی ہلچل پیدا کردی ہے اور سوشل میڈیا پر بھی ماحول گرم کر دیا ہے۔ یہ ویڈیو سماج وادی پارٹی کے صدر اور یوپی کے سابق چیف منسٹر اکھلیش یادو نے سوشل میڈیا پر شیئر کیا تھا ۔ اب اتر پردیش کانگریس نے بھی اس ویڈیو کو سوشل میڈیا پر شیئر کیا ہے۔
دراصل، ویڈیو میں ایک نا بالغ کو 8 بار ووٹ ڈالتے ہوئے دیکھا جا رہا ہے۔ وہ بار بار پولنگ بوتھ پر آرہا ہے اور ہر بار بی جے پی کو ووٹ دے رہا ہے ای وی ایم مشین پر لکھے گئے امیدواروں کے ناموں کو دیکھ کر صاف ہو جاتا ہے کہ یہ ویڈیو فرخ آباد سے سامنے آیا ہے۔ دراصل، نابالغ بی جے پی امیدوار مکیش راجپوت کو 8 بار ووٹ دیتے ہوئے نظر آ رہا ہے ۔
جب سے یہ ویڈیو سامنے آیا ہے، زبردست ہنگامہ برپا ہے۔ یہ ویڈیو سوشل میڈیا پر وائرل ہو گئی ہے۔
ذرائع کے مطابق یہ ویڈیو اتر پردیش کی فرخ آباد لوک سبھا حلقہ کا ہے ۔ یہ ویڈیو علی گنج اسمبلی کے ایک گاؤں کا بتایا جا رہا ہے۔ بتایا جا رہا ہے کہ یہ ویڈیو جس گاؤں کا ہے وہ ایٹا ضلع کا ہے۔ یہ ویڈیو بوتھ نمبر 343 کھریا پامران گاؤں کا بتایا جا رہا ہے۔ تحقیقات میں یہ بات سامنے آئی ہے کہ ویڈیو میں نظر آنے والا نوجوان نابالغ ہے۔
ویڈیو کے وائرل ہونے کے بعد، اتر پردیش کے چیف الیکٹورل آفس نے اپنے X (سابقہ ٹویٹر) ہینڈل کے ذریعے ایک سرکاری بیان دیا جس میں لکھا گیا کہ سوشل میڈیا میں گردش ہونے والی ویڈیو کا نوٹس لیا گیا ہے۔ متعلقہ ڈسٹرکٹ الیکشن آفیسر کو فوری اور موثر کارروائی کرنے کی ہدایت کی گئی ہے۔ فرخ آباد کے اے ڈی ایم سبھاش چندر پرجاپتی کے مطابق اس معاملے میں ایف آئی آر درج کی گئی ہے۔
فرخ آباد ڈی ای او آفس کی طرف سے جاری کردہ سرکاری بیان میں لکھا گیا ہے، "اکھلیش یادو کے ٹویٹ کا سنجیدگی سے نوٹس لیتے ہوئے، 103-علی گنج اسمبلی حلقہ کے فرخ آباد لوک سبھا الیکشن اسسٹنٹ ریٹرننگ افسر نے دفعہ 171 ایف کے تحت ایٹا ضلع کے نیاگاؤں تھانے میں ایف آئی آر درج کرائی ہے۔ 419 IPC, 128, 132, 136 عوامی نمائندگی ایکٹ 1950, 1951, 1989. مزید 66 IT (ترمیمی) ایکٹ 2008 بھی لگایا گیا ہے۔
علی گنج کے سی او سدھانشو شیکھر کے مطابق، پولیس واقعات کی ترتیب اور سچائی کا پتہ لگانے کے لیے ویڈیو میں نظر آنے والے شخص کا پتہ لگانے کا کام کر رہی ہے۔
अगर चुनाव आयोग को लगे कि ये गलत हुआ है तो वो कुछ कार्रवाई ज़रूर करे, नहीं तो…
भाजपा की बूथ कमेटी, दरअसल लूट कमेटी है। #नहीं_चाहिए_भाजपा pic.twitter.com/8gwJ4wHAdw
— Akhilesh Yadav (@yadavakhilesh) May 19, 2024
