ایم آئی میموریل انٹر کالج کے احاطے میں انگلش میڈیم طلباء کے والدین اور اساتذہ کی میٹنگ کا اہتمام
سعادت گنج،بارہ بنکی(ابوشحمہ انصاری)ایم آئی میموریل انٹر کالج کے احاطے میں انگلش میڈیم طلباء کے والدین اور اساتذہ کی میٹنگ ہوئی، جس میں اسکول کے منیجر محمد مستقیم انصاری نے سب کی خیر خواہی کی، اسکول کے پرنسپل منوج کمار نے اپنے خیالات کا اظہار کیا۔ اور مولانا محمد غفران قاسمی صاحب نے اپنے شاعرانہ انداز میں اپنے کلام کا جادو بہت ہی خوبصورتی سے تمام والدین کے دلوں میں اتارا اور اجلاس میں آنے پر سب کا شکریہ ادا کیا اور اپنی بات کا اختتام کیا اور بچوں کے علم میں اضافے کی دعا کی۔ اس موقع پرا سکول کے اساتذہ سمیت طلبا وطالبات کے والدین موجود رہے۔جس میں ماسٹر محمد عارف، ماسٹر محمد قیس، ماسٹر محمد سفیان، ماسٹر محمد اسرار، ڈاکٹر مو رضوان، حافظ محمد جنید، ڈاکٹر شاہ خالد، نیاز راعین، اصغر انصاری،محمد آصف جان سیوا، شاہد شوکت رام پور پردھان کے بھائی رفیع و دیگر لوگ موجود رہے۔ اگلی میٹنگ فروری میں ہونے کا امکان ہے۔
Abushahma Ansari
سعادت گنج ، بارہ بنکی:(ابوشحمہ انصاری) آج بنوک پوسٹ سعادت گنج واقع ایم آئی میموریل انٹر کالج کے وسیع ہال میں انگلش میڈیم کے طلبہ و طالبات کے سرپرستوں اور اساتذہ کی ایک میٹنگ منعقد ہوئی۔ جس میں کالج کے مینیجر محمدمستقیم انصاری نے آئے ہوئے تمام سرپرستوں کا کالج تشریف لانے پر استقبال اور اظہار تشکر پیش کیا۔ اس میٹنگ میں کالج کے پرنسپل منوج کمار ورما نے بچوں اور ان کے سرپرستوں کو کالج کے تعلیمی نظام اورتعلیم کی اہمیت پر ضروری ہدایات دیں۔ اس موقع پر کالج کے مینیجر مستقیم انصاری نے کہا کہ تعلیم کسی بھی قوم کی سماجی و اقتصادی ترقی کے لئے کافی اہم ہوتی ہے۔ تعلیم ایک فرد کو کام کرنے اور زندگی میں سبقت حاصل کرنے کے لئے بہتر سہولیات فراہم کرتی ہے۔ یہ ایک صحیح راستہ دکھا کر انسان کو کامیابی کی طرف لے جاتی ہے۔ اور یوں وہ اعلیٰ خود اعتمادی حاصل کرکے خوشگوار زندگی سے لطف اندوز ہوتا ہے۔ تعلیم ہر انسان چاہے وہ امیر ہو یا غریب ، مرد ہو یا عورت ، یہ اس کی بنیادی ضروریات میں سے ایک ہے۔ یہ انسانوں کا حق ہے۔ جسے کوئی چھین نہیں سکتا۔ انسان اور حیوان میں فرق تعلیم ہی کی بدولت ہے۔
میٹنگ میں موجود مولانا غفران قاسمی نے تعلیم کی اہمیت پر روشنی ڈالتے ہوئے کہا کہ تعلیم خوراک کی طرح ہی انسان کے لئے ضروری ہے۔تعلیم جہالت کے اندھیروں میں روشنی کی کرن ہوتی ہے۔ تعلیم اس دنیا پر ہر انسان کا بنیادی حق ہے۔ دنیا کی ترقی کا مکمل انحصار تعلیم پر ہوتا ہے۔ اس لئے ہمیں تعلیم کو فروغ دے کر جہالت کو دور کرنا چاہیے۔ تعلیم کی اہمیت کو واضح کرنے کے لئے نیلسن منڈیلا نے کہا تھا کہ تعلیم سب سے طاقتور ہتھیار ہے جسے آپ دنیا کو بدلنے کے لئے استعمال کر سکتے ہیں۔ دوسری طرف ان پڑھ لوگ احساس کمتری کا شکار ہو جاتے ہیں اور زندگی میں کبھی کامیاب نہیں ہوتے۔ اس میٹنگ میں محمداصغر انصاری ، محمد آصف انصاری ، نیاز راعین ، شاہد شوکت ،محمد رفیع رامپور ، ماسٹرمحمداسرار ، حافظ محمدجنید ، ڈاکٹر شاہ خالد ، ماسٹرمحمدعارف ، ماسٹرمحمدسفیان ، ڈاکٹرمحمد رضوان وغیر نے شرکت فرمائی۔ کالج میں سرپرستوں کی اگلی میٹنگ فروری کے مہینے میں منعقد کی جائے گی۔
