کریم نگر کا ایک خاندان سڑک حادثہ کا شکار _ دوران علاج ایک خاتون کا انتقال

کریم نگر _ 3 جولائی ( اردولیکس) تلنگانہ کے شہر  کریم نگر کے قریب  پیش آئے سڑک حادثہ میں 5افراد زخمی ہوگئے جن میں دوران علاج ایک خاتون کا انتقال ہوگیا ۔یہ حادثہ اُس پیر کی اولین ساعتوں میں پیش آیا۔

ابتدائی اطلاعات کے مطابق کریم نگر میں چیتنیہ ٹراویلس کے مالک کوثر بھائی اور ان کے خاندان کے دیگر افراد حیدرآباد میں شادی کی شاپنگ کے بعد کریم نگر  کار میں واپس ہورہے تھے کہ ان کی کار کے  سامنے اچانک کتاآگیا۔کارڈرائیور نے اچانک بریک لگایا جس کے نتیجہ میں اس نے کار کا توازن کھودیااور یہ کار، برقی کے پول سے ٹکراکرالٹ گئی۔اس حادثہ میں کار میں سوار 5افرادشدید زخمی ہوگئے  ۔

جن کو علاج کیلئے کریم نگر کے خانگی ہاسپٹل منتقل کردیاگیا۔جن میں کوثر بھائی کی اہلیہ کا دوران علاج انتقال ہوگیا۔باقی افراد ہاسپٹل میں زیر علاج ہیں فوری طور پر زخموں کی تفصیلات معلوم نہیں ہو سکی