جگتیال ضلع کے ایک شخص کی آر ٹی سی بس میں سفر کے دوران موت _ تلنگانہ کے نظام آباد میں واقعہ

نظام آباد _ 16 جون ( اردولیکس) تلنگانہ آر ٹی سی بس میں سفر کرنے والے ایک شخص کی موت ہوگئی۔ یہ  واقعہ جمعہ کی دوپہر نظام آباد ضلع مرکز میں پیش آیا۔ رورل ٹاؤن ایس آئی یچی لمبادری کے مطابق۔ جگتیال ضلع کے کورٹلہ منڈل کے نکلا گٹہ گاؤں سے تعلق رکھنے والا بکرن نامی شخص کام کے لیے نظام آباد آیا تھا۔ کام ختم کرنے کے بعد، وہ اپنے آبائی مقام واپس جانے کے لیے نظام آباد بس اسٹیشن میں ہنمکنڈہ ڈپو سے تعلق رکھنے والی آر ٹی سی بس میں سوار ہوا۔

نظام آباد کے کنٹیشور پہنچنے تک کرن جس سیٹ پر بیٹھا تھا اس سے گر گیا۔ اس دوران ٹکٹ کے لیے آنے والے کنڈیکٹر نے کرن کو مردہ پایا۔ ڈائل 100 کو اطلاع دینے پر رورل  پولیس موقع پر پہنچ گئی اور نعش کو پوسٹ مارٹم کے لیے مردہ خانے منتقل کر دیا۔ آر ٹی سی کنڈکٹر بھیشما کی طرف سے دی گئی شکایت کے مطابق مقدمہ درج کر کے تحقیقات شروع کر دی گئی ہے۔

رورل ٹاؤن ایس آئی لمبادری نے بتایا کہ کرن کی جیب میں موجود سیل فون کی بنیاد پر اس کی شناخت کورٹلہ کے کرن کے طور پر کی گئی۔ اس کے گھر والوں کو اس کی اطلاع دی گئی۔ سمجھا جاتا ہے کہ دل کا دورہ پڑنے سے کرن کی موت ہوگئی۔