جامعہ ملیہ اسلامیہ کی رہائشی کوچنگ اکیڈمی کے 23 طلبا یو پی ایس سی،سول سروسز 2022 امتحان میں منتخب
جامعہ ملیہ اسلامیہ کے موقر آرسی اے کے 23 امیدوار یوپی ایس سی،سول سروسز امتحان 2022میں منتخب ہوئے ہیں۔امید ہے کہ 23 میں سے چند امیدواروں کو آئی اے ایس اور آئی پی ایس کے مناصب ملیں اور باقی امیدواروں کو ان کی رینکنگ اور چوائس کے مطابق آئی آر ایس،آڈٹ،اکاؤنٹ سروس،آئی آرٹی ایس اورگروپ اے کے دیگر متعلقہ خدمات ملیں۔
اجمیرا سنکیت کمار جنھوں نے 35 واں رینک حاصل کی ہے وہ اس سال آر سی اے جامعہ ملیہ اسلامیہ کے سب سے بہتر مظاہر ہ کرنے والوں میں ہیں۔23 میں سے 12 منتخب امیدوار لڑکیاں ہیں۔
پروفیسر نجمہ اختر شیخ الجامعہ،جامعہ ملیہ اسلامیہ نے کہا کہ سول سروسز امتحانات کی تیاری اور تربیت میں جامعہ ملیہ اسلامیہ کی رہائشی کوچنگ اکیڈمی کالگاتار بہترین مظاہرہ رہتاہے یہ باعث فخر و طمانینت ہے۔آئندہ برسوں میں اور بھی بہتر نتائج کے لیے پر امید ہیں۔انھوں نے طلبا کو مبارک دینے کے لیے جامعہ کی رہائشی کوچنگ اکیڈمی کا دورہ کیا۔
رہائشی کوچنگ مزید بہتر نتائج دے اس کے لیے پروفیسر نجمہ اختر اس کی نگہ داشت میں ذاتی دلچسپی لینے کے ساتھ ساتھ طلبا کی رہنمائی اورآرسی اے کو جملہ سہولیات دستیاب کراتی ہیں۔انھوں نے تمام طلبا کو اور ان کے گھر والوں کو اس موقع پر مبارک باد دی۔انھوں نے عابد حلیم پروفیسر انچارچ،آر سی اے کے لیے ان کی خدمت کے جذبے کو سراہا۔
گزشتہ سال آر سی اے جامعہ ملیہ اسلامیہ کی محترمہ شروتی شرما یوپی ایس سی سول سروسز امتحان میں ٹاپر رہی تھیں۔
سال 2010 اور 2011سے 2023 تک آرسی اے نے 270 سے زیادہ سول سرونٹ ملک کو دیے ہیں جن میں آئی اے ایس، آئی ایف ایس اور آئی پی ایس شامل ہیں۔اس کے علاوہ تین سوسے زیادہ طلبا دیگر مرکزی اور ریاستوں کے مقابلہ جاتی امتحانات یعنی سی اپی ایف، آئی،آربی آئی (گریڈ بی) اے پی ایف، بینک پی اور اور پی سی ایس وغیرہ میں منتخب ہوئے ہیں۔
سینٹر فار کوچنگ اینڈ کیرئیر پلاننگ کے زیر اہتمام یوجی سی نے سال دوہزار دس میں آرسی اے کو قائم کیا تھا۔جس کا مقصد ایس سی،ایس ٹی،خواتین اور اقلیت طبقہ سے تعلق رکھنے والے طلبا کو سول سروسز اور دیگر مقابلہ جاتی امتحانات میں تیاری کرنے میں مدد فراہم کرانا تھا۔اس اکیڈمی میں سول سروسز کی تیاری کے لیے طلبا کا انتخاب کل ہند تحریری امتحان کے بعد انٹرویو کے بعد ہوتاہے۔
آرسی اے کے پاس کوچنگ اور شخصیت کے کثیر رخی فروغ کا عمدہ خاکہ ہے جس میں امتحانات کے مختلف ادوار یعنی کہ پری لمنری،مینس اور انٹرویو کے ساتھ ساتھ پانچ گھنٹے کی کلاسیس،ممتاز اسکالروں اورسول سرونٹس کے خصوصی خطبات،گروپ ڈسکشن،ٹسٹ سریز اور ماک انٹرویو شامل ہیں۔اس کے علاوہ اکیڈمی چوبیس گھنٹے ایئر کنڈیشن کی سہولت کے ساتھ ساتھ مفت وائی فائی کی سہولت بھی فراہم کرتی ہے۔اکیڈمی اپنے یہاں سول سروسز کی تیاری کرنے والے طلبا کو محفوظ اور آرام دہ سہولیات فراہم کرتی ہے۔
