نونامزد صدر قاضی شہر نظام آباد حافظ و مفتی مولانا محمد محبوب خان حسامی کی کمشنر پولیس کے آر ناگراجو سے ملاقات
نظام آباد 25/ نومبر (محمد یوسف الدین خان/ اردو لیکس) تلنگانہ اسٹیٹ وقف بورڈ حیدرآباد کی جانب سے حافظ ومفتی مولانا محمد محبوب خان حسامی کو شہر نظام آباد کا صدر قاضی مقرر کئے جانے پر مولانا حافظ لئیق خان صدر جمیت علماء نظام آباد کے ہمراہ ایک وفد کی شکل میں کمشنر پولیس نظام آباد کے آر ناگراجو سے کمشنریٹ آفس میں ان سے ملاقات کی اس موقع پر کمشنر پولیس کے آر ناگراجو نے حافظ و مفتی مولانا محمد محبوب خان حسامی کو حکومت تلنگانہ کی جانب سے انہیں صدر قاضی شہر نظام آباد مقرر کئے جانے پر گلدستہ پیش کرتے ہوئے مبارکباد پیش کی اور اپنی نیک تمناؤں کا اظہار کیا اور کہا کہ ایسے ہی نوجوانوں کو بڑھ چڑھ کر حصہ لیتے ہوئے معاشرے میں خدمات انجام دینا چاہیے اس وفد میں حفاظ کرام اشرف ،امجد، فیاض استاذ مدرسہ مظہر العلوم ،محمد معز سہیل خان ،سید احمد حسین تاجرین شامل تھے
