امسال مناسک حج کے دوران 550 عازمین حج جاں بحق
حیدرآباد _ 19 جون ( اردولیکس ڈیسک) اس سال حج کے دوران سینکڑوں عازمین جاں بحق ہوگئے ہیں، جن کی بیشتر وجہ اس سال ہونے والی شدید گرمی تھی۔ مرنے والوں میں سے کم از کم 323 مصری باشندے تھے۔ سعودی عرب دنیا کے مختلف ممالک میں مسلمانوں کے لئے مقدس ترین مقام ہے، مسلمان زندگی میں ایک بار یہاں جانا چاہتے ہیں۔ اس سال حج کے آغاز سے لے کر اب تک 550 عازمین جاں بحق ہو چکے ہیں۔
خاص طور پر چونکہ سعودی مکمل طور پر ریگستانی علاقہ ہے اس لئے یہاں کا اوسط درجہ حرارت 50 ڈگری سیلسیس ہے۔ اس سلسلے میں مختلف ممالک سے تعلق رکھنے والے 550 سے زائد عازمین شدید گرمی کی وجہ سے جاں بحق ہوگئے۔ ان میں زیادہ تر 323 مصری تھے، 60 اردنی بھی شامل ہیں ۔ مکہ مکرمہ میں درجہ حرارت 50 ڈگری سیلسیس ریکارڈ کیا جا رہا ہے ہزاروں عازمین ایک جگہ جمع ہوتے تھے
جس کی وجہ سے عازمین کو سانس لینا مشکل ہو رہا تھا سعودی حکومت نے کہا ہے کہ بہت سے لوگ ایسے ہیں جو لو لگنے اور شدید بیماری کی وجہ سے مر چکے ہیں۔ بتایا جاتا ہے کہ گزشتہ سال حج میں 240 افراد کی موت ہوئی تھی۔
