تلنگانہ میں 28مئی کو عیدالاضحی کی عام تعطیل – سرکاری احکام جاری

تلنگانہ حکومت نے عید الاضحی کی تعطیل میں تبدیلی کردی ہے۔ پہلے جاری شدہ کیلنڈر کے مطابق 27 مئی بروز چهارشنبه مقرر تعطیل کو تبدیل کرکے اب 28 مئی بروز جمعرات کو عید الاضحی کی سرکاری چھٹی دینے کا اعلان کیا گیا ہے

۔ریاستی حکومت نے تلنگانہ وقف بورڈ کے چیف ایگزیکٹو آفیسر اور محکمہ اقلیتی بہبود کی سفارشات پر غور کے بعد یہ فیصلہ کیا۔ اس سلسلے میں چیف سکریٹری کے رام کرشنا راؤ کے نام سے سرکاری احکامات جاری کیے گئے ہیں۔

حکومت نے 28 مئی کو عام تعطیل قرار دیا ہے۔ حکام کے مطابق یہ تبدیلی ریاست کے تمام سرکاری دفاتر، تعلیمی اداروں اور بینکوں پر لاگو ہوگی۔