حیدرآباد ۔ بے قابو آر ٹی سی بس نے گاڑیوں کو ٹکر دے دی۔ موٹر سائیکل سوار ٹائیر کے نیچے پھنس گیا

حیدرآباد:حیدرآباد کے جوبلی بس اسٹیشن کے قریب ایک آر ٹی سی بس نے خوف و ہراس پھیلا دیا جب وہ تیز رفتاری کے ساتھ مسافروں اور گاڑیوں کی جانب بڑھ گئی۔

 

اس حادثے میں شیوا نامی ایک موٹر سائیکل سوار بس کے پہیوں کے نیچے پھنس گیا۔ واقعہ کے ساتھ ہی ماریڈ پلی ٹریفک پولیس اور وہاں موجود دیگر گاڑی سوار فوری طور پر حرکت میں آئے اور امدادی کارروائیاں شروع کیں۔

 

پولیس نے کرین کی مدد سے بس کو ایک جانب ہٹایا اور موٹر سائیکل کو باہر نکال کر زخمی شیوا کو محفوظ طریقے سے نکالا۔ حادثے میں شیوا شدید زخمی ہو گیا جسے فوری طور پر علاج کے لیے اسپتال منتقل کر دیا گیا۔

 

اطلاعات کے مطابق آر ٹی سی بس جوبلی بس اسٹیشن سے کارخانہ کی جانب جا رہی تھی کہ راستے میں یہ حادثہ پیش آیا۔پولیس واقعے کی وجوہات کی تحقیقات کر رہی ہے۔