بیوی چھپ چھپ کر کررہی تھی فون کا استعمال۔شوہر نے قتل کرکے نعش کو دفن کردیا

لکھنو۔اتر پردیش کے شہر گورکھپور میں ایک دل دہلا دینے والا واقعہ پیش آیا۔ ایک شوہر نے اپنی بیوی کو موبائل فون خفیہ طور پر استعمال کرنے پر غصہ میں آ کر بے دردی سے قتل کر دیا۔ بعد میں کسی کو شک نہ ہو، اس نے بالی ووڈ کی مشہور فلم”درشیم” کے انداز میں بیوی کی نعش کو گھر کے پیچھے گڑھا کھود کر دفن کر دیا۔

 

اس کے بعد شوہر نے پولیس کو یہ باور کرانے کی کوشش کی کہ اس کی بیوی نے خودکشی کر لی ہے۔ارجن جو لدھیانہ میں مزدور کے طور پر کام کر رہا تھا 21 دسمبر کو گورکھپور اپنے گھر واپس آیا۔ اس دوران اس نے اپنی بیوی خوشبو کو خفیہ طور پر موبائل فون استعمال کرتے ہوئے دیکھا۔ اس پر اس نے بیوی سے سوال کیا اور دونوں کے درمیان چھوٹی سی لڑائی ہو گئی۔

 

اس دوران ارجن غصہ میں آ گیا اور اس نے اپنی بیوی کا گلا گھونٹ کر قتل کر دیا۔ پھر اس نے کسی کو شک نہ ہو نعش کو گھر کے پیچھے گڑھا کھود کر دفن کر دیا۔ارجن نے بعد میں یہ کہہ کر اپنے خاندان والوں کو دھوکہ دیا کہ خوشبو گھر سے چلی گئی ہے اور کسی کو کچھ نہیں بتایا۔

 

چند دن گزرنے کے بعد جب خوشبو کا کچھ پتہ نہ چلاتو اس کے والد کو شک ہوا کہ اس کے داماد نے کچھ کیا ہے۔ اس نے پولیس کو شکایت کی جس پر پولیس نے ارجن کو حراست میں لے کر تفتیش کی۔ ارجن نے یہ دعویٰ کیا کہ اس کی بیوی نے خودکشی کی تھی اور اس نے نعش کو دریا میں پھینک دیا۔ اس نے پولیس کو دریا کے قریب لے جا کر کئی گھنٹوں تک گمراہ بھی کیا۔

 

تقریباً دو گھنٹے بعد پولیس نے دوبارہ ارجن سے تفتیش کی تو حقیقت سامنے آ گئی۔ پولیس نے ارجن کی بتائی ہوئی تفصیلات کے مطابق خوشبو کی نعش کو گھر کے پیچھے گڑھے سے نکالا۔ ابتدائی تحقیقات میں پولیس نے بتایا کہ ارجن نے اپنی بیوی کو دوسرے شخص کے ساتھ ناجائز تعلقات ہونے کے شبے میں قتل کیا تھا۔

 

ان دونوں کی شادت دو سال قبل ہوئی تھی تاہم ابھی تک ان کے کوئی بچے نہیں ہیں۔خاندان کی شکایت پر پولیس نے مقدمہ درج کر کے ارجن کو گرفتار کر لیا۔ بعد میں خوشبو کی نعش کو پوسٹ مارٹم کے لیے مردہ بھیج دیا گیا۔