راشن کارڈ رکھنے والے افراد کے لیے ای-کے وائی سی لازمی: مرکزی حکومت

حیدرآباد ۔مرکزی حکومت نے واضح کیا ہے کہ راشن کارڈ میں درج ہر فرد کے لیے ای-کے وائی سی (e-KYC) کو لازمی‌قرار دیا گیا ہے۔

حکومت نے انتباہ دیا ہے کہ اگر راشن کارڈ میں درج کسی ایک رکن نے بھی ای-کے وائی سی مکمل نہیں کیا یا مسلسل چھ ماہ تک راشن (چاول) حاصل نہیں کیا تو ایسا راشن کارڈ منسوخ کر دیا جائے گا۔

مزید یہ کہ نئے راشن کارڈ حاصل کرنے والے خاندانوں کے لیے بھی ای-کے وائی سی کروانا لازمی قرار دیا گیا ہے۔حکومت کا کہنا ہے کہ اس اقدام کا مقصد یہ یقینی بنانا ہے کہ راشن صرف مستحق اور حقیقی مستفیدین تک ہی پہنچے۔