تذکرہ امیر الملک احوال و آثار، اولاد و احفاد کتاب کی رسم اجراء  شاہ راج پیٹ میں اعراس شریف کا انعقاد۔ جلسہ سے علماء مشائخ کے خطابات 

تذکرہ امیر الملک احوال و آثار، اولاد و احفاد کتاب کی رسم اجراء 

شاہ راج پیٹ میں اعراس شریف کا انعقاد۔ جلسہ سے علماء مشائخ کے خطابات 

 

حیدرآباد 3 جولائی (پریس نوٹ) 411 واں عرس حضرت سید شاہ فتح اللہ حسینیؒ، 398 واں عرس حضرت سید نبی شاہ حسینی المعروف بالے پیرؒ اور 386ویں عرس حضرت بندگی مخدوم سید شاہ ملک حسینیؒ (شاہ راج پیٹ نزد آلیر، ضلع یادادری بھونگیر) کی روح پرور تقاریب کا انعقاد عمل میں آیا۔ اس موقع پر حیدرآباد تلنگانہ اور دیگر مقامات سے مشائخ عظام، علمائے کرام، سجادگان، عقیدت مندوں اور مقامی عوام کی کثیر تعداد نے بلا لحاظ مذہب و ملت شرکت کی۔

 

تقاریب کا آغاز صندل مبارک کے روح پرور جلوس سے ہوا۔ تمام تقاریب کی نگرانی اور مراسم عرس مولانا ڈاکٹر قاضی سید شاہ سمیع اللہ محمد محمد الحسینی بندہ نوازی سجادہ نشین و متولی درگاہ شریف، (کامل الفقہ جامعہ نظامیہ و مشیر قانونی کل ہند جمعیت المشائخ) نے انجام دئے۔ اس موقع پر سجادہ نشین و متولی کے علاوہ مولانا ڈاکٹر خواجہ شجاع الدین افتخاری حقانی پاشاہ، مولانا قاضی حافظ و قاری محمد عبدالرزاق نقشبندی، مولانا پروفیسر سید شاہ وحید اللہ حسینی قادری ملتانی نے حضرت امام حسینؑ، اہلِ بیتِ اطہارؑ اور شہدائے کربلاؓ کی عظمت، قربانی اور ان کے ابدی پیغام پر نہایت مدلل، بصیرت افروز اور ایمان افروز خطابات کئے۔ جلسہ میں حضرت بندگی مخدوم سید شاہ ملک حسینیؒ کی حیات پر مشتمل تحقیقی و تاریخی کتاب "تذکرۂ امیر الملک حضرت بندگی مخدوم سید شاہ ملک حسینیؒ احوال و آثار، خاندان، اولاد و احفاد” کی رسم اجراء منعقد ہوئی

 

۔ اس تصنیف کے مصنف مولانا سید شاہ کلیم اللہ محمد محمد الحسینی انجینئر ہیں، جنہوں نے مستند تاریخی مآخذ اور خاندانی روایات کی روشنی میں یہ علمی خدمت انجام دی۔ عرس تقاریب کے شرکا میں مولانا خواجہ بہاء الدین فاروقی نقشبندی انجینئر، مولانا سید سلیم قادری، حضرت مولانا سید معصوم علی ادریس بیابانی، مولانا سید شاہ ستار محمد محمد الحسینی بندہ نوازی، مولانا ابوالفتح سید بندگی بادشاہ قادری ریاض پاشاہ، مولانا محمد لطیف احمد شیخ المعقولات جامعہ نظامیہ و امام مسجد مکہ، مولانا ڈاکٹر سید احمد غوری نائب شیخ الفقہ جامعہ نظامیہ، مولانا محمد خالد ازہری نائب شیخ الادب جامعہ نظامیہ، مولانا محمد خواجہ حکیم شریف چشتی سدی پیٹ، مولانا سید غوث احمد قادری، مولانا سید شاہ رحمت محمد محمد الحسینی بندہ نوازی، مولانا سید شاہ اسد اللہ حسینی، مولانا سید شاہ حیات حسین شمسی دانش پاشاہ اورنگ آباد، مولانا سید شاہ حسین نبیرہ قادری، مولانا ڈاکٹر سید شاہ محمد پاشاہ قادری الموسوی، مولانا خواجہ محمد غلام سبحانی پاشاہ صدیقی القادری، مولانا حافظ عبدالغفور عقیل، مولانا سید مظفر حسنی حسینی قادری مشائخ بالاپور، مولانا سید خضر قادری، مولانا محمد معینی، مولانا سید ابراہیم پاشاہ قادری، مولانا سید فضل اللہ حسینی، مولانا محمد اسماعیل معصوم پاشاہ اور دیگر شامل تھے۔ جلسہ کے بعد محفل سماع منعقد ہوئی

 

۔ تمام انتظامات جانشین و نامزد سجادہ نشین مولانا سید شاہ کلیم اللہ محمد محمد الحسینی افروز بادشاہ انجینئر کی نگرانی میں انجام پائے۔ جناب سید شاہ عظمت اللہ محمد محمد الحسینی جنید پاشاہ، جناب سید شاہ شجاعت اللہ محمد محمد الحسینی فرحان پاشاہ، جناب سید شاہ ندیم اللہ محمد محمد الحسینی ریحان پاشاہ نے مہمانوں اور زائرین کا استقبال کیا اور شکریہ ادا کیا۔