نیٹ-یو جی 2026: تلنگانہ رینک لسٹ جاری
کالوجی نارائنا راؤ یونیورسٹی آف ہیلتھ سائنسز نے ہفتہ کو تعلیمی سال 2026-27 کے لیے ایم بی بی ایس اور بی ڈی ایس سمیت انڈر گریجویٹ میڈیکل و ڈینٹل کورسز میں داخلوں کے مقصد سے نیٹ-یو جی 2026 میں کامیاب ہونے والے تلنگانہ کے امیدواروں کی رینک وار فہرست جاری کر دی۔
یہ فہرست ڈائریکٹوریٹ جنرل آف ہیلتھ سروسز کی جانب سے فراہم کردہ اعداد و شمار کی بنیاد پر تیار کی گئی ہے۔ نیٹ-یو جی 2026 کا انعقاد نیشنل ٹیسٹنگ ایجنسی نے کیا تھا۔
یونیورسٹی نے واضح کیا ہے کہ یہ فہرست صرف امیدواروں اور ان کے والدین کی معلومات کے لیے جاری کی گئی ہے، اسے حتمی میرٹ لسٹ نہ سمجھا جائے۔
تلنگانہ کے امیدواروں میں ویریاہ گیری ساہیو نے 705 نشانات کے ساتھ پہلی پوزیشن حاصل کی۔ بورا سائی شرن نے 701 نشانات کے ساتھ دوسرا مقام حاصل کیا، جبکہ کندگاٹلا ہنیش نے 700 نشانات کے ساتھ تیسری پوزیشن حاصل کی۔
۔
