حیدرآباد کے پرانے شہر میں برقعہ پہن کر بائیک پر کرتب بازی۔ نوجوانون کے خلاف پولیس کی کاروائی
حیدرآباد: پرانے شہر کے مختلف علاقوں میں برقعہ پہن کر گاڑیوں پر کرتب بازی کرتے ہوئے عوام کو پریشان کرنے کے الزام میں نوجوانوں کے خلاف پولیس نے کاروائی کی ہے۔ واضح رہے کہ سوشل میڈیا پر ایک ویڈیو تیزی کے ساتھ وائرل ہورہا تھا
جس میں دیکھا جاسکتا ہے کہ ایک نوجوان برقعہ پہنے بائیک چلارہا ہے جبکہ اس کے ساتھ گاڑی پر اس کا ساتھی بیٹھا ہوا ہے جو اس کے ساتھ غلط حرکتیں بھی کررہا تھا۔ ان کے ساتھ دوسری گاڑیوں پر ان کے اوربھی ساتھی موجود تھے۔ اس ویڈیو کے وائرل ہونے کے بعد شہریوں کی جانب سے نوجوانوں کے خلاف کاروائی کا مطالبہ کیا جارہا تھا۔ نوجوانوں کی جانب سے برقعہ پہن کر اس طرح کی حرکتیں کرنے پر سوشل میڈِا صارفین کی جانب سے شدید برہمی کا اظہار کیا جارہا تھا۔
اس معاملہ میں آئی ایس سدن پولیس نے از خود مقدمہ درج کرکے آج بعض نوجوانوں کو گرفتارکرلیا ہے۔ پکڑے جانے والوں کے نام واصف، دانش، امان بتائے گئے ہیں ان کا تعلق تالاب کٹہ اور رین بازار سے بتایا گیا ہے۔
