آندھراپردیش کی فارما کمپنی میں ریکٹر کے پھٹ پڑنے سے 16افراد ہلاک _ درجنوں افراد زخمی
آندھراپردیش میں ایک فارما کمپنی کی ری ایکٹر پھٹ پڑنے سے 16 افرادکی موت ہوگئی جب کہ 30 سے زائد دیگر افراد زخمی ہیں۔ یہ حادثہ انکاپلی ضلع کے اچوتھا پورم فارما ایس ای زیڈ میں چہارشنبہ کی دوپہر پیش آیا۔ حادثہ اتنا خطرناک تھا کہ نعشوں کے پرخچے اڑگئے۔
حادثہ میں مرنے والوں کی تعداد میں اضافہ کا امکان ہے۔ بتایا گیا ہے کہ اچوتھا پورم فارما ایس ای زیڈ میں واقع ایسینشیا اڈوانسڈ سائنس پرائیویٹ لمیٹڈمیں سینکروں کی تعداد مزدور کام کرتے ہیں۔ دوپہرکے کھانے کے وقفہ کے بعد 1:30 بجے کے قریب کمپنی میں بھاری آواز کے ساتھ دھماکہ ہوا اور اچانک آگ لگ گئی۔ ہر طرف دھواں پھیل گیا جس کے فوری بعد کمپنی میں کام کرنے والے مزدور افراتفری کے عامل میں دوڑنا شروع کردیئے۔ دھماکہ کی شدت اتنی تیز تھی کہ قریب کے گاوں کے افراد چونک پڑے۔ اس حادثہ کے فوری بعد 11 فائر انجنوں کی مدد سے آگ پر قابو پایاگیا۔ زخمیوں کو علاج کے لئے انکاپلی کے مختلف دواخانوں میں منتقل کردیاگیا۔
زخمیوں میں 5 افراد 60 فیصد سے زائد جھلس گئے جس میں دونوں کی حالت تشویشناک بتائی گئی ہے۔ حادثہ کے مقام پر300 مزدور کام کررہے تھے۔ دھماکہ کی شدت سے فیاکٹری کے پہلے منزل کا سلاب گرپڑا اور اس ملبہ کے نیچے کئی مزدور پھنس گئے۔ تیسری منزل میں پھنس جانے والے مزدوروں کو کرین کی مدد سے باہر نکالا گیا۔
