جاپان اوپن جیت کر پی وی سندھو نے رقم کی تاریخ، پہلی بھارتی کھلاڑی بنیں

بھارتی بیڈمنٹن اسٹار پی وی سندھو نے تاریخ رقم کردی۔ وہ جاپان اوپن کا ٹائٹل جیتنے والی پہلی بھارتی بیڈمنٹن کھلاڑی بن گئی ہیں۔ خواتین کے سنگلز فائنل میں سندھو نے جاپان کی اسٹار کھلاڑی یاماگوچی کو مسلسل دو گیمز میں شکست دے کر یہ اعزاز اپنے نام کیا۔ سخت مقابلے میں سندھو نے 21-17، 21-17 سے کامیابی حاصل کی۔

 

خواتین کے سنگلز میچ کے آغاز ہی سے پی وی سندھو نے جارحانہ کھیل کا مظاہرہ کیا۔ کراس کورٹ ڈراپس اور طاقتور اسماش کے ذریعے انہوں نے یاماگوچی پر دباؤ بڑھایا۔ پہلے گیم میں آخر تک سخت مقابلہ جاری رہا، تاہم اہم لمحات میں مسلسل پوائنٹس حاصل کرتے ہوئے سندھو نے 21-17 سے گیم اپنے نام کرلیا۔

 

پہلا گیم جیتنے کے بعد سندھو نے دوسرے گیم میں بھی اپنی جارحیت برقرار رکھی۔ یاماگوچی کے نیٹ گیم کا مؤثر انداز میں سامنا کرتے ہوئے سندھو نے دوسرا گیم بھی 21-17 سے جیت لیا اور جاپان اوپن ٹائٹل اپنے نام کرلیا۔

 

واضح رہے کہ 2024 میں سید مودی انٹرنیشنل جیتنے کے بعد یہ پی وی سندھو کا پہلا بین الاقوامی ٹائٹل ہے۔