” میں اب اچھا بن کر نہیں رہوں گا” ٹرمپ نے بندوق کے ساتھ فوٹو سوشل میڈیا پر کی پوسٹ

نئی دہلی: امریکی صدر ڈونلڈ ٹرمپ نے ایران کو ایک بار پھر سخت وارننگ دی ہے۔ انہوں نے کہا ہے کہ اگر جوہری پروگرام سے متعلق سفارتی حل جلد حاصل نہ ہوا تو امریکہ سخت مؤقف اختیار کرے گا۔

ٹرمپ نے کہا کہ ایران کو دانشمندی سے کام لینا چاہیے۔ اس حوالے سے انہوں نے اپنی رائفل پکڑے ہوئے ایک تصویر ‘ٹروتھ سوشل’ پر بھی پوسٹ کی اور کہا کہ اب وہ "اچھا بن کر نہیں رہیں گے”۔انہوں نے مزید کہا کہ مذاکرات کے

معاملے میں ایران درست رویہ اختیار نہیں کر رہا اور وہ جوہری معاہدہ کرنے کے طریقے سے واقف نہیں۔ ان کے مطابق ایران کے لیے بہتر ہوگا کہ وہ سمجھداری دکھائے۔یہ بیان ایسے وقت میں سامنے آیا ہے جب مغربی ایشیا میں کشیدگی بڑھ رہی ہے اور امریکہ اور ایران کے درمیان سفارتی تعطل برقرار ہے۔

ٹرمپ نے یہ بھی خبردار کیا کہ اگر ایران امریکی تجاویز کو مسترد کرتا ہے تو امریکہ مزید جارحانہ اور سخت اقدامات کرے گا۔