تلنگانہ میں 3800 سرکاری ملازمتوں پر تقررات کی منظوری – چیرمین تلنگانہ پبلک سروس کمیشن

حیدراباد : تلنگانہ پبلک سروس کمیشن کے چیئرمین بی وینکٹیشیم نے کہا ہے کہ 3,800 جائیدادوں پر تقررات کے لئے محکمۂ فینانس سے منظوری مل چکی ہے، جن میں 1,393 فاریسٹ بیٹ آفیسر کی جائیدادیں شامل ہیں۔

 

انہوں نے بتایا کہ امیدواروں کی بڑی تعداد کے پیش نظر امتحانات کو ملٹی زون-1 اور ملٹی زون-2 کی بنیاد پر منعقد کرنے پر غور کیا جا رہا ہے۔ اس طریقۂ کار کے تحت امیدوار اپنے متعلقہ زون میں ہی امتحان دیں گے۔ ان کا کہنا تھا کہ امتحانی شیڈول اس انداز میں تیار کیا جائے گا تاکہ کسی امیدوار کا موقع ضائع نہ ہو اور کسی کو ایک ہی امتحان دوبارہ نہ دینا پڑے۔

 

میڈیا سے گفتگو کرتے ہوئے انہوں نے کہا کہ اگر تمام امتحانات ایک ساتھ منعقد کیے جائیں تو 3 سے 4 لاکھ امیدوار شریک ہوں گے، اس لیے کمیشن ملٹی زون-1 اور ملٹی زون-2 کی بنیاد پر امتحانات منعقد کرنے پر غور کر رہا ہے۔ اس نظام کے تحت امیدوار اپنے متعلقہ زون میں ہی امتحان دے سکیں گے۔

 

انہوں نے بتایا کہ تمام امتحانات ایک ہی وقت میں کرانے کے بجائے ہر زون کے لیے الگ شیڈول تیار کرنے کی تجویز زیر غور ہے۔ ایک زون میں امتحان دینے والا امیدوار دوسرے زون کے امتحان میں شرکت نہیں کر سکے گا۔

 

چیئرمین نے کہا کہ امتحانات کا شیڈول اس انداز میں تیار کیا جا رہا ہے تاکہ کسی امیدوار کا موقع ضائع نہ ہو اور کسی کو ایک ہی نوعیت کا امتحان دوبارہ نہ دینا پڑے۔ اس سے امیدواروں کو سہولت ملے گی اور امتحانی عمل بھی زیادہ منظم انداز میں مکمل کیا جا سکے گا۔