برقعہ پوش مسلم خواتین پر ہولی کا رنگ پھینکنے کے ویڈیو وائرل۔جسٹس کاٹجو اور دہلی ویمنس کمیشن سربراہ کی ایسی حرکتوں پر برہمی

نئی دہلی:ہولی کے موقع پر بعض اشرار کی جانب سے برقعہ پوش خواتین پر رنگ ڈالنے اور انھیں دانستہ طور پر نشانہ بنانے کے واقعات پر سوشل میڈیا صارفین کی جانب سے شدید برہمی کا اظہار کیا جارہا ہے۔جسٹس کاٹجو سابق جج، سپریم کورٹ و سابق چیئرمین، پریس کونسل آف انڈیا نے اپنے ٹویٹر پیغام میں شدید رد عمل کا اظہار کرتے ہوئے لکھا کہ کیا یہ ہولی منانے کا طریقہ ہے؟ایسے واقعات نے ہم سب کو رسوا کر دیا ہے۔ ساتھ ہی انھوں نے ایک ویڈیو بھی سوشل میڈیا پر پوسٹ کیا جس میں ایک لڑکا برقعہ پوش خاتون پر نشانہ سادھ کر رنگ کے پانی سے بھرا غبارہ پھینک رہا ہے۔

Is this the way to celebrate Holi ?
Such incidents have disgraced us allpic.twitter.com/YJK0RghJFw

— Markandey Katju (@mkatju) March 12, 2023

دہلی کمیشن برائے خواتین کی چیر پرسن سواتی مالیوال نے بھی ٹویٹر پیغام میں ایک ویڈیو شئیر کرتے ہوئے لکھا کہ سوشل میڈیا پر ایک اور ویڈیو وائرل ہو رہا ہے جس میں مسلم خواتین کو غبارے اور رنگوں سے گولی مارنے کے بعد زبردستی ویڈیو بنائی جا رہی ہے۔ انہوں نے لکھا ہولی کا خوبصورت تہوار ایک دوسرے کے ساتھ خوشیاں بانٹنے کا تہوار ہے، ایسی اوچھی حرکتوں کے لیے نہیں۔

एक और वीडियो सोशल मीडिया पर वायरल हो रही है जिसमें ज़बरदस्ती मुस्लिम महिलाओं को ग़ुब्बारे और रंग मारके उनकी वीडियो बनाई जा रही है। होली का सुंदर त्योहार आपस में ख़ुशियाँ बाँटने का त्योहार है, ऐसे घटिया हरकतों के लिए नहीं। https://t.co/62JKJgs1hk

— Swati Maliwal (@SwatiJaiHind) March 10, 2023