تلنگانہ میں کل اتوار کو دوسرے مرحلہ کے گرام پنچایت انتخابات، صبح 6 بجے سے پولنگ، دوپہر میں نتائج کا اعلان

تلنگانہ میں کل اتوار کو دوسرے مرحلہ کے گرام پنچایت انتخابات کیلئے پولنگ ہوگی۔ پولنگ کا عمل صبح 6 بجے سے دوپہر 1 بجے تک جاری رہے گا، جبکہ دوپہر 2 بجے ووٹوں کی گنتی شروع کی جائے گی اور اس کے بعد نتائج کا اعلان کیا جائے گا۔

دوسرے مرحلہ میں مجموعی طور پر 4,332 گرام پنچایتوں میں انتخابات منعقد ہونے ہیں۔ ان میں سے 5 مقامات پر پرچہ نامزدگیاں داخل نہ ہونے کے باعث پولنگ نہیں ہوگی، جبکہ 415 گرام پنچایت میں سرپنچ بلا مقابلہ منتخب ہو چکے ہیں۔

بقیہ 3,906 سرپنچ عہدوں کیلئے 13,128 امیدوار میدان میں ہیں، جبکہ 29,903 وارڈ نشستوں کیلئے 78,158 امیدوار قسمت آزما رہے ہیں۔دوسرے مرحلہ کے انتخابات میں 57,22,565 ووٹرس اپنے حقِ رائے دہی کا استعمال کریں گے۔