ساس اور داماد نے بھاگ کر کرلی شادی ۔ اترپردیش میں رشتوں کو شرمسار کرنے والا واقعہ

نئی دہلی: ریاست اتر پردیش کے کانپور ضلع سے ایک غیر معمولی واقعہ سامنے آیا ہے جس نے مقامی سطح کے ساتھ ساتھ سوشل میڈیا پر بھی خاصی توجہ حاصل کر لی ہے۔ میڈیا رپورٹس کے مطابق ایک داماد اور اس کی ساس نے مبینہ

 

طور پر ایک دوسرے سے محبت کے بعد عدالت میں شادی کر لی۔رپورٹ کے مطابق یہ معاملہ اکبر پور پولیس اسٹیشن حدود کا بتایا جا رہا ہے۔ کہا جاتا ہے کہ بیٹی کی شادی کے بعد داماد کا سسرال آنا جانا بڑھ گیا تھا اس دوران اس کی

 

اپنی ساس سے قربت پیدا ہوئی۔ وقت گزرنے کے ساتھ دونوں کے درمیان تعلقات مضبوط ہوتے گئے اور مبینہ طور پر یہ تعلق محبت میں تبدیل ہو گیا۔خاندانی افراد کو اس تعلق کے بارے میں کوئی اطلاع نہیں تھی۔ بعد ازاں دونوں گھر چھوڑ کر

 

چلے گئے اور عدالت میں شادی کر لی۔ بتایا جاتا ہے کہ شادی کے بعد دونوں نے ایک ویڈیو جاری کی جس میں انہوں نے کہا کہ یہ فیصلہ ان کی باہمی رضامندی سے کیا گیا ہے اور وہ ایک ساتھ زندگی گزارنا چاہتے ہیں۔یہ واقعہ منظر عام پر آنے

 

کے بعد سوشل میڈیا پر مختلف تبصرے کیے جا رہے ہیں۔ اس واقعے کے بعد گزشتہ سال علی گڑھ میں پیش آنے والا ایک مشہور معاملہ بھی دوبارہ زیرِ بحث آ گیا۔ اس واقعے میں ایک خاتون اپنی بیٹی کے منگیتر کے ساتھ گھر چھوڑ کر چلی

 

گئی تھیں۔ بعد میں خاتون نے دعویٰ کیا تھا کہ وہ گھریلو مسائل اور شوہر کے مبینہ ناروا سلوک سے تنگ آ کر گھر سے نکلی تھیں۔