پرانے PAN کارڈ ہولڈرز کے لیے PAN 2.0 سسٹم میں تبدیلیوں کے بارے میں وضاحت

محکمہ انکم ٹیکس نے وضاحت کی ہے کہ جو لوگ پہلے ہی PAN کارڈ ہولڈرز ہیں، انہیں PAN 2.0 سسٹم کے تحت نیا PAN کارڈ کے لیے درخواست دینے کی ضرورت نہیں ہے۔ یہ منصوبہ بنیادی طور پر کاروباری سرگرمیوں کے لیے ‘کامن آئیڈینٹیفائر’ متعارف کرانے کے مقصد سے شروع کیا گیا ہے۔

حال ہی میں، وزیر اعظم نریندر مودی کی سربراہی میں مرکزی کابینہ نے PAN کارڈ کی اپ گریڈیشن کے لیے 1,435 کروڑ روپے کی لاگت کے ساتھ PAN 2.0 پروجیکٹ کی منظوری دی تھی۔ اس اعلان کے بعد کئی افراد کے ذہن میں یہ سوال اٹھا تھا کہ آیا انہیں نیا PAN کارڈ حاصل کرنے کے لیے دوبارہ درخواست دینی ہوگی۔

محکمہ انکم ٹیکس نے اس پر وضاحت دی کہ موجودہ PAN کارڈ ہولڈرز کو PAN 2.0 سسٹم کے تحت نیا PAN کارڈ حاصل کرنے کے لیے درخواست دینے کی ضرورت نہیں ہے۔ تاہم، اگر PAN ہولڈر کو کسی قسم کی اپڈیٹ یا درستگی کرنی ہو تو وہ درخواست دے سکتے ہیں، لیکن نئے PAN کارڈ کی ضرورت نہیں۔ جو پرانے PAN کارڈ ابھی تک چل رہے ہیں، وہ PAN 2.0 سسٹم کے تحت بھی تسلیم کیے جائیں گے۔

اگر کسی کے پاس پرانا PAN کارڈ ہے جس میں QR کوڈ نہیں ہے، تو وہ اپنے موجودہ PAN نمبر کے ساتھ نئے QR کوڈ والے PAN کارڈ کے لیے درخواست دے سکتے ہیں، جیسا کہ مرکزی بورڈ آف ڈائرکٹ ٹیکسز (CBDT) نے بتایا ہے۔