شادی کی رات دلہے اور دلہن کی نعشیں خونمیں لت پت دستیاب
بنگالورو۔ سات جنم تک ایک دوسرے کا ساتھ نبھانے کے وعدے کرتے ہوئے پھیرے لینے والے دولہا دلہن کی شادی کے کچھ گھنٹوں بعد ہی موت ہو گئی۔وہ ایک دوسرے سے جھگڑ پڑے اور یہ واردات پیش آئی۔
تفصیلات کے مطابق ریاست کرناٹک کولار گولڈ فیلڈ سٹی میں واقع چمبراسناہلی سے تعلق رکھنے والے 26 سالہ نوین اور لکھیتاایک دوسرے سے محبت کرتے تھے اور گھر والوں کی رضامندی سے انہوں نے 7 اگست کو مقامی کلیان منڈپ میں شادی کر لی۔ شادی کے بعد وہ خوشحال تھے لیکن اچانک کیا ہوا پتہ نہیں شادی کے رات نوین اور اس کی بیوی کے درمیان کسی بات پر جھگڑا ہوا۔ نوین نے لکھیتھا پر خنجر سے حملہ کر دیا اس کی چیخ و پکار سن کر جب اس کے رشتہ دار کمرے میں داخل ہوئے تو انہوں نے دیکھا کہ دلہن کی نعش خون میں میں لت پت پڑی ہوئی ہے
اور نوین بھی زخمی ہے۔ اسے علاج کے لیے ہاسپٹل میں شریک کیا گیا جہاں جمعرات کی شام اس کی موت ہو گئی۔ فوری یہ پتہ نہیں چل سکا کہ دلہن کے قتل کے بعد دلہے نے اسی خنجر سے خود کو زخمی کرکے خودکشی کر لی یا پھر ان دونوں نے ایک دوسرے پر قاتلانہ حملہ کیا جس کے نتیجے میں ان کی موت ہوگئی۔
