بنگلہ دیش میں ایک مرتبہ پھر طلبا سڑکوں پر نکل آئے۔ صدر سے استعفیٰ کا مطالبہ

نئی دہلی: بنگلہ دیش میں طلبہ ایک بار پھر سڑکوں پر اتر آئے اور اس مرتبہ صدر سے استعفے کا مطالبہ کیاگیا ہے۔ بنگلہ دیشی میڈیا کے مطابق طلبہ صدر محمد شہاب الدین کے خلاف سڑکوں پر نکل آئے ہیں اور گزشتہ روز سیکڑوں طلبہ نے صدارتی محل کے باہر احتجاج کرتے ہوئے

صدر سے استعفے کا مطالبہ کیا۔ صدر شہاب الدیں نے گزشتہ دنوں ایک انٹرویو میں کہا تھا کہ ان کے پاس سابق وزیراعظم شیخ حسینہ واجد کے استعفیٰ سے متعلق کوئی دستاویزی ثبوت نہیں ہے جب کہ 5 اگست کو اپنی تقریر میں صدر نے دعویٰ کیا تھا کہ شیخ حسینہ نے استعفیٰ دے دیا ہے۔ بنگلہ دیشی مطابق صدر کے بیان کے بعد شیخ حسینہ کے خلاف احتجاج کرنے والے طلبہ پھر سڑکوں پر آگئے ہیں اور صدر سے استعفیٰ دینے کا مطالبہ کررہے ہیں۔

اس حوالےسے بنگلادیشی عبوری حکومت کے قانونی مشیر ڈاکٹر آصف نذرل نے کہا کہ صدر نے ایک متضاد بیان دیا کہ ‘ان کے پاس شیخ حسینہ کے استعفے کی دستاویز نہیں ہے’۔